ايو صح صح صح صح
لا توافقي تكوني زميله ولا صحبه ولا صديقه اخرى
فرحت انك حذفتي ذكرياتها وارقامها وكل شيء لا تخلي ولا فصفص يذكرك فيها
شوفي انا كان عندي صديقه من بلد اخرى عبر الانترنت تعرفت عليها من منتدى واضفتها بالفيس بوك وبالسكاي بي والياهو ويوميا انا وهي كلام كلام كلام وحتى نتفق نعمل جدول عبادات مع بعض بايام رمضان كنت احبها لانو ما عندي صحبات بالجامعه كانت علاقه الكترونيه واتكلم معاها صوت وفيديو وبعدين صارت بيني وبين وحده مشكله عبر النت لقيتها وقفت في صف البنت وما وقفت معي لا انكر انها انسانه كويسه بس قهرتني وايضا تقولي انا متصاحبه معاكي عشان اخذ اجر فيكي يا الله وجعتني كلمتها
المهم هذا الكلام من اربع سنوات اقسم بالله انني نسيتها تماما تماما ولا مره خطرت ببالي استغربت كيف قدرت انساها لانها الصديقه الوحيده اللي بحياتي ما اعرف غيرها ابداااا
تاثرت حوالي شهر وبعدين نسيت
وايضا لما تركنا بعض لقيتها ترسلي فيس بوك تقولي ما اقدر اسيبك وبنفس الوقت ما اريدك صديقتي تقولي اتعودت عليكي وايضا ما اريدك كلام متناقض وكلام كثير شد وجذب
واخرتها حذفت الفيس بوك نهائي وحذفت ايميل الياهو بس باقي الهوت ميل لاني احتاجه وهي اصلا خلاص مش بترسل انقطعنا وما تعرف ايميلي لانو كم رساله واتمسحت
مو توقيف لا لا حذف
وايضا السكايبي حذفت البرنامج
كل البرامج كانت هي فقط الموجوده لاني ما اعرف غيرها هي صديقتي من سنوات على الانترنت عشت معاها اكثر من اهلي واخواتي كلام وتواصل يومي ونعرف كل شيء عن بعض حتى اكلمها صوت وفيديو تعرف شكلي وكل شيء عني
اقسم بالله انني نسيتها ومالها حاليا مكانه بقلبي
نسيتها بعد شهر من المشكله
بس نحن ما اعطينا شيء بعض كان كلو كلام وسواليف ومشاركه
حتى لمن عملت حساب اخر بالفيس بوك بعد فتره لقيتها ظهرتلي لاني سجلت بايميل الهوت ميل وهي عندي بالايميل لاني ارسلتلها رساله فيه فالايميل الهوت ميل ارتبط بالفيس بوك لاني سجلت بنفس الايميل فلقيت صفحتها ولقيتها اتزوجت وخلفت مو بس هيك كمان عامله عيد ميلاد لبنتها يعني شوفي كم سنه واقسم بالله ناسيتها وقلت يا الله الدنيا تمشي بسرعه لحقت تتزوج وتخلف وهي كانت خايفه ما تتزوج زي عمتها لانو عمتها تحاول تعملها سحر عشان ما تتزوج
المهم مو بس نسيتها حتى انحذفت تفاصيل كثيره من عقلي حوالي 90 بالميه انمسح
واصلا انا وقتي فراغ فكنت افكر بامور والدنيا ومستقبلي ومتى زواجي وكان عندي هموم بالجامعه ومشاكل وكنت مريضه فكل هذه التمور ساعدتني انسى لاني اصلا مشغوله بنفسي وافكر بنفسي وحاليا رزقت بزوج صالح وزواجي بعد اشهر الحمدلله
احيانا تجلسي تفكري بالماضي وناس عشات معاكي ومواقف حصلت بس هاذي البنت نسيتها ما افتكرلها شيء تركتها وانا عمري 23 سنه حاليا عمري 27 اصلا ما اتحسفت عليها انا ما اتحسف على احد اللي فيا كافيني ما ندمت عليها ما كانت صديقه بمعنى الكلمه
وقتها كنت اخر سنه بالجامعه مشروع تخرج عندي فيه مشاكل كثيره وهموم زي الجبال فابداااا ما فكرت فيها مع انو لنا سنوات اصحاب ويوميا كلام بالساعات يوميا بالصوت نتكلم نتكلم فيس بوك نتكلم اسكاي بي نتكلم ياهو
ترى انا زعلانه اني اتصاحبت من النت بلا نت بلا خرابيط
صحبه الواقع افضل من الوهم عالم افتراضي
انا كرهانه النت وعلاقات النت اللي دخلت فيها
حاليا اخطط لمستقبلي واجيب اطفال وافكر اروح مصر اخذ دبلومات واتعلم واشتغل
واصلا اتعلم من النت ومستوايا اتحسن
وبرمضان حاليا دعاء وصلوات وصلاه تراويح خلاص بلا صحبات بلا نيله على قوله المصريين
وحتى اذا اتزوجت نفسي اتعرف على جيران واختلط باهل زوجي بس طبعا حدود وللوناسه وعشان لا يقولو كمان معقده ما تخالط الناس وتتكلم هههههههههه
ترى صديقتي متاكده ميه بالميه انها نسيتني تفتكرني ليش ؟؟ انا مين
خلاص اتزوجت وخلفت والله يسعدها ويسعد المسلمين اتمنى للكل الخير
شوفي اخواتي كل وحده مشغوله ببيتها وعيالها بس عندهم صحبات يجتمعون مره بالسنه
ما عندهم تواصل وحب واخبار بعض لا بس اجتماع فرفشه وبوفيه مفتوح وخلاص
امي كمان تروح للحريم الاقارب وهي عارفه محد فيه خير بس اجباري تواصل وجماعه عيب ينقطعون عن بعض امي على الصامت ما تتكلم عن امورنا بس سواليف عامه وترجع وتحضر مناسبات وتنبسط وترجع
لاحظت الكل ماشي على هذه السياسه
حتى بنت خالي ايام الجامعه كنت متصادقه معاها احسب فيها خير وطلعت العكس وهي بالمقابل حريصه وعلاقاتها سطحيه كانت تقولي اهلي وبس ماما واخواتي من دمي ولحمي والناس ........ اكملي الفراغ وبنت خالي اصلا تركتها من بعد ما خلصنا جامعه يمكن حوالي خمس سنين ما شوفتها وحتى اتزوجت وخلفت ولا ادري عنها ولا سالت امي عنها
شوفي وحده معايا بالتحفيظ بنت حلال وطيبه وسواليف انا وهي بوقت الفسحه حاليا تركت التحفيظ الترم التاني ما لقيتها تسال عني ولا شيء
حتى لمن عملو حفله للمخطوبات ووحده كلمتني اجي وانا تعذرت لها لاني انحرجت تركت التحفيظ وبعدين فجأه اجي للحفله وبس
المهم هي ايضا مخطوبه ولا كلمتني وقالتلي تعالي الحفله عملوها للمخطوبات انا وانتي اللي كلمتني المسوؤله عن البنات طالبه معانا
كان مفروض تسالني ليش رفضتي تجي او تعالي خذي هديتك وانبسطي بس ولا يهمها كلو مشغول بنفسو طبعا ما الومها لانو الواحد مشغول بنفسو يا دوب يلحق حالو
خلاص اتوقع كفايه كفايه اتلطشنا كثير واتوسمنا خير بالناس خلاص ننشغل بالدنيا ولنفسنا وبس
واصلا الكل خايف يتصاحب ويخاف يتكلم والكل مرت عليه مواقف واتعقد كلو خايف من بعض ما نقدر نتصاحب خلاص كلنا ملطوشين الطيب يتلطش والشرير يتلطش
بنت عمي وبنت خالتي بنفس الوقت يعني عمي ماخذ خالتي المهم كانت معي بالتحفيظ وامي حذرتني منها اتركيها وانا اصلا كنت سطحيه معاها وهي اصلا تركت التحفيظ اسبوع وتركت واخذت معاها دوره تدريبه لمده شهر وراحين وجايين بالسياره مع بعض ما نفع الوضع حساسه وتحسب كلامي بالحرف وتنقل كلامي لامها وابوها ما ينفع صحبه الاقارب حتى زماله ما ينفع
الاقارب زيارات العيد وزيارات المناسبات وتعازي الموتى وبس
ماما وبابا مره مره سطحيين بقوه بقوه الكل قافل على نفسو الباب ما يبغى مشاكل وحسد وتنافس حتى لمن انخطبت ولا وحده من الاقارب قالت مبروك كلهم انقهرو من امي
ماما تقولي انتي واخواتك صغار عادي تتمنون الخير لبعض بس بكرا لمن تكبرو راح تتصراعو وعيالكم يتصارعون وتنافس وحسد تقولي اتذكرينؤ وحتشوفي تقول انا شفت من اختي الوحيده ومن عماتك تقولي لمن تكبرو تتغيرو على بعض لمن الاطفال يكبرو
ترى حتى اخواتي يجتمعون بس عشان قدام ازواجهم
اختي الثالثه تتواصل مع اختي الاولى وتستحملها وتروح عنكها البيت وتنام عشان زوجها لا يقول ليش مقاطعه اختك وبينكم حساسيه ومشاكل
كل وحطه خايفه على مكانتها قطام زوجها واهل زوجها يعني مو حب
حتى اختي الكبيره تعمل حركات قدام اهل زوجها حركات توضيح انو اهلي احسن ناس ويحبوني
ههههههه كلو حركات عشان مصالحهم مع ازواجهم وعشان لا يعايرها بكرا
اقسم بالله كنت ضايعه بالدنيا بس خلاص ابغى اسافر مصر اخذ دبلوم واخد كورسات انجليزي واجيب التوفل واكمل ماجستير واصير مهندسه ما ينفعني غير شهادتي وزوجي وعيالي بالمستقبل بلا صحبات بلا بطيخ بلا هم ابغى الحق نفسي بعد ثلاث شهور راح ادخل ال 28
اخواني نفس كلامي دراستهم ووظيفتهم رقم واحد ويختارو اصحاب كويسين للمشاركه وبس مو للصداقه والحب
اخواني اصغر مني واتعلمو الحياه من بابا
بابا كان ينصحهم يتصاحبو مع مين ويبتعدو عن مين
بابا وماما عندهم رعب من الناس والمشاكل شافو بلاوي وغيره وحسد
يا شيخه خلاص ما عاد فيه خير
حتى الناس اللي ليها خير تلاقينهم مشغولين في نفسهم ومو فاضيين للصحوبيه
يا تلاقي شر
يا تلاقي مشغولين ويفتكرونك وقت فراغهم وبس
يا تلاقي ما ينفعوكي
يا تلاقي سطحيين وخايفين يقربون منك ويتعمقون لانهم اتلطشو والنوعيه هاذي هي الغالب
يا تلاقي تتصاحب عشان فرفشه ووناسه واخرج وشوفوني عندي صحبات
يا تلاقي عشان تبغى تشتكتي همومها وتفضفض وترمي وترتاح ولا فيها فايده
قولي يارب اشغلني في نفسي واشغلني بالخير ورمضان فرصه للدعاء
انا رمضان اللي فات ما تركت سجده ادعي فيها بالزوج الصالح اللي ينفعني ويكون سند
وشوفي ربنا استجاب واتحققت الدعوة يارب لك الحمدل يارب يارب يارب الحمدلله يا اختي مو عارفه كيف اشكر ربي نفسي احقق الشكر اقسم بالله فرج عني واعطاني اكثر مما دعوت
ما تركني لوحدي وعوضني عما فقدت عوضني عن اللي فات
ما رزقني زوج وبس
لا زوج صالح تقي طيب نقي على البركه ونسب وحسب واخلاق ووظيفه راقيه بمكان راقي مو بس الزوج حتى اهله سمعتهم مسك مسك وذهب اصلي ما شاء الله تبارك الرحمن
بابا يقولي لا تحسدي حظك اعطاكي زوج وهل زوج نادريين بهذا الزمن
شوفي ما عندي احد بالدنيا حتى اخواتي ما وقفو معي كل وحطه نفسي نفسي
بس ربنا ما تركني يا الله رحمه واسعه قاعده ابكي الان
شوفتي كيف الدعاء يصنع المعجزات تعلقت بالله اقسم بالله حتى بابا صديقي وسندي ما تعلقت فيه كنت انطرح بين يدي الله وابكي بالسجود ورمضان كلو قيام وتراويح ودعاء وذكر فرجت فرجت الحمدلله
خلاص الماضي دروس وكسب مهارات وبس مع السلامه
حتى البنات في الجامعه عاملين جروب دفعتنا بالجامعه اسم الجروب المحبين ههههه
هما اصلا نفاق ومصالح ومجاملات وقرف انا داخله بس عشان اتسلى واقرا الاخبار
حتى اللي كانو لازقين ببعض حاليا افترقو وكل وحطه شافت حياتها ومصلحتها حتى بعضهم ما يتكلمو مع بعض بالرغم لو تشوفينهم تقولي اخوات تحسبهم جميعا وقلوبهم شتى
الاجساد مع بعض بس القلوب مو على بعض
انا حتى اخواتي ما اثق فيهم اتكلم سواليف عامه معاهم
بابا يقولي زمان سولفي مع اخواتك سواليف عامه وبس لا تقولي اللي بقلبك وفعلا طبقت كلامه اذا جو وياره نزلت اكلت معاهم ولعبت مع اطفالهم وبس وبعدها كل واحد في حاله
حتى وحده من اخواتي كنت شايله همها فسخت خطوبتها تقولي لا تشيلي همي خليكي في نفسك شيلي همك انتي واحزني على نفسك وبس مالك شغل فيا وفعلا كلامها صح
وكمان وحده من عماتي خايفه من الزواج وقررت تفسخ خطوبتها وانا اتحسرت عليها لانو العريس كويس هي لسه صغيره وما تعرف انو ما عاد فيه رجال المفروض تمشي خلاص تتزوج الولد عسسسسسل وسمعتهم عسل واستاذ مدرسه بابا يحكيلي عن رفضها وانا شلت همها واتحسرت قامت اختي تقولي خليكي في نفسك هي حياتها احسن من حياتك وعايشه احسن منك وتطلع وتخرج عادي لو ما اتزوجت بكرا تلاقي واحد تاني لمن تكبر
خلاص فكري بنفسك عمتي هذه يتميه الاب وامهم تركتهم
المهم اكتشفت انو اخواتي كلهم نفس الوضع كل وحده يا دوب نفسي
من الكلام من المواقف تكتشفي وتفهمي الدنيا
واختي حذه تاخرت بالزواج مثلي وشايله هم نفسها ما فكرت فيا حتى لو عنست ما راح تفكر فيا هي حاليا مخطوبه وزواجها قبل زواجي
ولا وحده فكرت فيا وخافت اني اعنس
حتى قبل خطوبتي ممكن حوالي سنه عمري كان 26 سنه وحده من اخواتي المتزوجات اتصلت على بابا تقولي في وحده بالدرسه تبغى عريس لاخوها لانو شافتني حلوه وسالتني عندك اخوات قلت ايو عندي اخت احلى مني بس طلع الولد صغير عمره 21 سنه فاختي تتكلم مع بابا وقالها انو عمري 26 سنه صرخت واتفجعت بابا يقول فجعتني تقول لبابا عمرها 26 كبيررره
حتى عمري ما تعرفو هذا وهي اختي ههههههههههه
حتى زواجها ما حصرتو وزواج اختي الثالثه ما حضرتو كان في مشاكل ولا سالو عني بس كانو خايفين من فضيحه الناس فين اختكم
حتى صحباتها بالجامعه قالولها فين اختك اللي شعرها طويل تقول ضيعت الموضوع وغيرت الكلام
اكتشفت اخواتي دواهي وتخطيط من تحت
حتى منافقين مع ماما عشان تمشي امورهم وتستقبلهم وقت الوالده والنفاس وما يتفضحو قدام ازواجهم بس من وراها كلام وغيبه ونميمه
حتى امي ما يحبوها كل زحده مصلحتها وزوجها وعيالها وتبغى تهرب من البيت وتفتك خلاص قررت اصير مثلهم ما افكر فيهم ولا في اطفالهم بس وناسه وبس
حتى كنت اجيب لاطفالهم هدايا وحلويات وهما ولا وحده فكرت فيا ومرضت نفسيا ويتكلمو من ورايا ولا وحده ساعدتني
خلاص انا حاليا صلواتي في وقتي والاستغفار والصلاه على النبي
ورب العالمين صديقي مالي غيره هو سندي وحبيبي وهو اللي عوضني بزوج صالح
وحاليا علاقتي مع اخواني الاولاد كويسه عشان مستقبلا لو قدر الله مات بابا او مات زوجي
يكون عندي اثنين شباب رجال
الاخت خلاص زوجها وعيالها ومشاكل الابناء والتربيه ووظيفتهم كل وحده عندها وظيفه لازم انا كمان احصل على وظيفه واكمل ماجستير واعوض اللي فات
يا الله قرقرت كثير هههههههههه
سلام وربي معك ويارب يوفقك ويسخر لك اجمل الناس اكثري الصلاه على النبي