المشاركة الأصلية كتبت بواسطة البيلسان 28

مو حكايه مالهم قلب بس الرجال عندهم خيارات اكثر وفرص اكثر يقدر يخطب عزباء او مطلقه ما عندها عيال
حتي المطلق مع عيال احيانا ما يقبل بمطلقه معاها عيال يقدر يختار غيرها
انت كاتبه طفل مو مأذيهم طيب هما عارفين انو طفل وبرئ بس عندهم خيارات واسعه
انتي لو جاكي مطلق بثلاث او طفلين اطفال توافقين ؟؟؟ راح تتردين تقولي عيال و مشاكلهم وامهم تحرضهم عليه ومصيرهم عند امهم انتي مجرد مربيه وهي تاخذهم علي الجاهز
انتي لو عزباء وصغيره جاكي مطلق مع عيال توافقين ؟؟ راح تجي مليون فكره براصك
ترى الخطاب ما يعرفوكي وما يعرفو اخلاقك لو عرفوكي لوقفو طوابير على الباب
الرجال يجي يخطب وما يعرف بس ياخذ بالامور الظاهره
احسن البنات قاعدين بالبيوت ومحد يعرف انهم احسن الناس
انا زمان حضرو ناس يشوفوني ورفضوني مع اني صغيره وبيضاء وجمييييييله ومن قبيله معروفه حسب ونسب وجمال بس رفضوني
وحاليا ربي عوضني وانخطبت برجل افضل من الخاطب السابق افضل بمرااااااحل من ناحيه الوظيفه والاسره والحسب والاخلاق شوفتي ربي عوضني
في مطلقات عسل واخلاق وقاعدين بالبيوت محد يعرف احد ،،، اللي يجي يخطب ياخذ الظاهر ويفكر بعقل مو بقلب كل رجل يشوف مصلحته والانسب
نادر رجال فيهم خير ويشيلون عيال الناس ترى الواحد يا دوب يشيل نفسه ويمشط شعره محد ملزوم بعيال غيره
في وحده بالمنتدى مطلقه وعندها ولد اخذت واحد نفس وضعها مطلق وعندو ولد
في ناس تخطب حسب حالتها الاجتماعيه يعني يقول ابغى بكر افضل من مطلقه ما يهمو الاخلاق والجمال والحسب
مثلا ارمل ياخذ مطلقه عشان عارف فرصتو بالعزباء قليله وهكذا كل واحد يمشي حسب حالتو الاجتماعيه قبل الفلوس والجمال والنسب
اللي جاي يخطب ممكن انسان حنون وفيه خير بس هوما يعرفك ولا يعرف ولدك يقول فيه نفسه ابحث ممكن الاقي الافضل وما عندها عيال
والعقيم اللي رفضك ممكن عنده اسبابه في امور وخفايا انتي ما تعرفيها
الله المستعان والله يرزق كل بنت صالحه صدقيني اللي تبغى العفاف والاستقرار ربي بيرزقها ما يتركها