رد: إتهام زوجي بأني السبب بالا
اقتباس:
المشاركة الأصلية كتبت بواسطة مهره
حمدلله على سلامتج سمورة .. ربي يعوضج بأحسن من اللي راح حبيبتي.
يا بنتي اسمعي الكلام .. لا تدخلين معاه في نقاشات طويلة ولا تجادلين وتطولينها وهي قصيرة.
هو متفشل من سالفة الحبوب .. وإنتي فاهمة إنه يهاجم عشان يغطي عليها .. فليش تسايرينه وتعطينه مجال؟؟
سوي كنترول على نفسج يا سمورة .. وبلاش تنفعلين وتطلعين من طورج وإنتي خلاص صرتي عارفة خط النقاش بينكم لين وين يوصل.
إذا رجع فتح موضوع الإجهاض وحمّلج المسؤولية لا تردين ولا تبررين ولا تدافعين عن نفسج ولا حتى توجهين له أي اتهام ..... اسكتي يا بنتي تماماً وفقط قولي: أمر الله نفد والحمدلله على كل حال.
وإذا حابة تروحين لأهلج هالفترة روحي .. وما عليج من تهديده إنه يقول لأهله إنج مب مرتاحة في بيت عمج (هذه حركات أطفال) .. وعمج وزوجة عمج فاهمين إن الإجهاض من أكثر المواقف اللي تحتاجين تكونين فيها في حضن أمج.
|
اميين ... الله يسلمك حبيبتي مهره ...والله حاولت كثير اني مادخل معاه بنقاشات ولا اتجادل معه ... وكم موقف صار واسكت ... بس هالمره تعبت متضايقة حيل ... والله اني اكتب لكم ودموعي مو قادره توقف ... تعبت من كل شي ... عالاقل لو عاملني كويس بعد ماطلعت من المشفى كان بيهون علي .. تعبانه بعد الاجهاض .. وفقد الجنين .. وسوء معاملته لي ... والمطلوب مني اني اعترف اني غلطانه .. هذا هو اللي يبيه ... انا جد محتاجه كثير لأمي .. وارسلت له رساله يوديني لها بكره ... ولا رد علي .. بكره بدق على واحد من اخواني يجي ياخذني لاني والله مو قادره أتحمل اكثر من كذا ..
__________________
-
فأجبر خَاطري .. بفيّض نعَمك ❤ ....