اخواتي ملتزمات ومحافظات والحمدلله ، مو حقين خراب بيوت ، ويحبون زوجتي ويحترمونها ، وزوجتي تحبهم وتحترمهم ، وصحيح يبحثون لي عن زوجه لان طليقتي رافضه الرجوع قبل طلاقها ، وقالو اكيد ماراح ترجعلك بعد طلاقها ،ونتمنى تعود لك ، ولكن احنا نشوفك انهد حيلك من الهموم ونبغى نزوجك ، قلت الله يصلح حالكم ، انتو بطريقتهم هذي تزيدوني هم على هم ، زواج مااااابغى ،وأنا ارفض الزواج وأقول لهم قلبي مايل على طليقتي وابغى اراجعها،هذا كل شي، ومع العلم جميع اهلي بمدينه بعيده ، ومعلومه ثانيه،اخوها قبل الطلاق سأل اخته،وبعد الطلاق سألها نفس السؤال ، اخوها الكبير حمممل اخته الامانه ان تجاوبه بالصحيح ، ايش السبب تبين تتطلقين من زوجك ، فجاوبت انه سبب لي الأسى والجرح وكسر قلبي وكسر خاطري وجالسه تذكر له السلبيات السابقه ،فكرهته وقالت وصلت لمرحله بان قلبي انضغط وتقفل ومعاد اقدر اتحمله ، فكرهته، ، والحين اخوها يقول بعد طلاقها نادمه ولكن تكابر وقال لي يابو فلان هي صحيح بالغت في زعلها ، قلت يافلان انا نفسي تعز علي ،مقدر اراجعها وهي ماتبغى ، اذا نادمه فعلا" خليها تعطيك الخبر الاكيد ومستعد اراجعها
وصحيح وماانكر ترى نفسيتي انهدت بقوه ونحفت ، وشلت هموم مثل الجبال،ولكن نفسي تعز علي اراجعها وانا غير متأكد بانها ترغب الرجوع،قال انسق لك الموضوع واعطيك خبر،اخواني الاعضاء والمشرفين رجال ونساء، يعلم الله انتم بعدالله لكم توجيهات سليمه، ويكون عندي افكار خاطئه بسبب كانت نفسيتي منهده ومحطمه،والحين احسن من اول بكثير ، واقرأ ردودكم واصحح من نفسي، وردودكم كلمات من ذهب ، اشكركم جميعا" ، والله يكتب لكم الاجر على النصائح