آمين ، الله لايريكم اي مكروه
والله يعلم الله لها قدر كبير بقلبي وماقدرت انساها وماقدرت انسى العشره معاها ، وجالس اتحمل صبر لعلها تعود ،ولكن عندما يحين الوقت بعد أن اتأكد تماما انها لازالت رافضه الرجوع
فحينها يبدأ القرار اللي برآسي وهو ان اخرجها من حياتي وأنزلها من عيني وقلبي واحذف كل شي في بيتي يذكرني بها وأحرق جميع صور الذكريات لها وذكريات اخرى واغراض وامسح ارقامها ورسائلها وكل مايتعلق بها ومن ضمنها اغير الشقه اللي مستأجرها وانقل من عملي اللي بنفس المدينه إلى موقع بعيده عنها ،واغير رقم جوالي وآخذ لي اجازه شهر اغير من نفسي وأحدث نفسي من جديد ، وبعد أن اتأكد اني كرهتها واخرجتها من حياتي ، ابدأ ابحث لي عن زوجه تستاهلني ، وهذا القرار لم اتخذه ابد ولم افكر به ابد ، وسأتخذه عندما يحين الوقت المناسب ، لأنه قرار صعب صعب صعب تواجه ، ولايعرفه الا رجل قلبه احترق مثلي ، ولكن ورب القرآن ان عندي امل في الله بأنها ستعود احساسي يقول كذا ، قبل يومين اخذت اولادي
امشيهم ، وجالس انتظرهم يتجهزون ، وأنا جالس انتظر بسيارتي زوجتي ارسلت وحده من بناتي وأعطتها ورقه كتبت فيها طلبات عاديه لاولادي ، ومن بداية كلامها قالت لو سمحت جيب للأولاد كذا وكذا ، فيكفي انها قالت لو سمحت ، ورديت عليها بالورقه رد رسمي بدون عاطفه
،،، ياجماعة الخير الطلاق كسر قلب للمرأه ، وكسر ظهر للرجال بالذات لما يكون عندك اطفال ، فالقلب يحن للزوجه وللأطفال ، فأنا كأنه انكسر ظهري بعد الطلاق واتحمل ضغوطات فوق طاقتي ، ووالله اني اضحك مع زملاي بالعمل واسولف وأتظاهر امامهم بأني طبيعي وأنا قلبي يحترق ، وفكري مشغول ، وانهد حيلي ونحفت ، وكل من شافني يتفاجأ بجسمي باني نحفت ويسألوني عن سبب النحف فأجاوبهم بإبتسامه بأني اعمل رجيم ، ويعلم الله ان دموعي تسيل بيني وبين نفسي وجالس اتذكرهم ومستحيل ابين نفسي امام الناس بأني مهموم وحزين ، دائم اتظاهر اني طبيعي ، وهذا حالنا الرجال ، الرجل الكفو مايبين نفسه انه ضعيف ، ضروري مايظهر نفسه ، هذا هو الرجل اللي يتحمل الصعاب ، ويعلم الله قلبي يغلي من الهموم والحزن بفراقهم عندما اتذكرهم وأتذكر اجمل واسعد ايام قضيناها سوا ،ولكن بفراق زوجتي وفراق اولادي وقلبي يحن لهم ، القلب يحن ، احاول انسى وماقدرت ، اكون طبيعي خمس ساعات او 6 ، ويرجع موالي زي ماهو اجلس اتذكر والقلب يحن ، عشان كذا اقول الطلاق كسر ظهر للرجل ، وكسر القلب للمرأه ، والله يعين ، والحمدلله على كل حال