امس استقبلته عادي .. مابينت اني زعلانه ... قلت له احط لك عشا .. قال ايه لاني ماتغديت وكان بيكمل وسكت .. عرفت انه كان بيقول لانك سديتي نفسي .. حطيت له العشا وجلست .. قال لي .. ليه ماجهزتي نفسك تروحين عند اهلك ... قلت له مابي اروح .. قال طيب .. وبعدين جلس يسولف .. وانا ساكته .. ورجع قال .. اختي ذاك اليوم متهاوشه مع اهل زوجها .. ودخل بالتفاصيل ..وختمها عشان كذا طلعتها ... قلت له انا سألتك؟ انا ماقلت لك تبرر .. هذي اختك ما يحتاج تبرر خروجك او جلوسك معها .. اللي مارضاه لي مارضاه لغيري .. قام تلعثم ويقول لا بس تنا اقولك عشان لا تظلين زعلانه .. قلت له مين قال انا زعلانه من هالموضوع .. انا ابي ترد علي ليه مترصد لي بعلاقتي مع اخواني .. قام يقول هذا جزاي اني جاي افولك .. وانتي تكلميني بالأسلوب هذا .. قلت وش من اسلوب ... قال دامك مو زعلانه ليه ماتسولفين ... قلت له رد علي وانا اسولف معك ... قال لي شاطره بس تسولفين مع أهلك .. قلت له عجيب ... انا كل يوم اسولف معك واحيانا تقول لي خلاص اسكتي صدعتي بي .. قال هذاني قاعد اسولف معك وانتي ساكته ... قلت له قول لي الحين وش فيك ليه مانعني من اخواني ... قال لي ماتتعبين من هالسؤال بس تتعبين من شغل البيت .. قلت له رد علي اذا تبي نسولف ... قال كلي كلي وانتي ساكته يازينك لما كنت ساكته ... شوي وقال ايه تراني مانسيت لما قلتي عني كذاب .. قلت له محشوم بس خاني التعبير 😅 .. قال يعني خلاص ماتبين تطلقين ... قلت له لا ... قال لي لو عدتيها على طول بنطقها ماحنتظر .. قلت له طيب .. " طبعا هذي مو ردودي بس أحاول امسك اعصابي ولا كان لساني انفلت واقوله مو خايفه من طلاقك وووو " المهم اني كنت ماسكه نفسي ... قربت منه قلت بنفسي يمكن باللين يفيد ... قلت له وانا امسح ظهره .. انا بسمع كلامك بكل شي بس قول لي ليه ماتبيني اقعد واسولف مع اخواني .. تراهم اخواني وطلعنا من بطن وحده ويالله زانت علاقننا بعد ماكانت مشحونه ايام وفاة الوالد الله يرحمه ... وتراهم خوال عيالك وعيال عمك واخواني سندي وانت بعد سندي وزيادة الخير خيرين .. قال محد يسند أخته ... الحرمه مالها سند بعد ابوها غير زوجها ... قلت اوكي انت لوحدك سندي بس ليه ماتبيني اتواصل معهم مثل الأخوان والأخوات ... سكت شوي .. بعدين قاال ايه ادري كل هالتميلح عشان تمهدين ليوم الخميس وتبين تروحين لهم .. هنا ماقدرت امسك اعصابي اول مره يطول حوارنا كذا قلت بنفسي اكيد بنطلع بفايده ... انا ما كتبت نقاشنا بالتفصيل .. المهم اني انفجرت قلت له لا انت مو صاحي مو صاحي وقمت ودخلت غرفة بنتي .. وهو جا يقول شلون يعني انا مجنون ؟ قلت له انا مجنونه بس اطلع برا ابي انام ... قال مافي نومه هنا تعالي نامي داخل ...قلت له لك كم يوم تنام بروحك جت على هاليوم يعني ... قال كان بمزاجي .. الحين رجع مزاجي تنامين داخل بغرفتنا .. قلت له طيب بجي انام بس رد علي .. قال لا انا مجنون ما ارد على احد .. قلت له لو انك معك حق بعلاقتي مع أخواني .. كان قلت لي وجاوبتني ... بس لان مامعك حق مو راضي تجاوب ... قال انتي منو مشيشك علي ... انتي ماكنتي كذا زنانه ... اكيد اخوانك مشيشينك ... ولا انتي شلون يطلع منك هالكلام ... قلت ليه وش شايفني .. قام يقول كلام اهبل كالعاده .. قلت له خلاص الكلام معك ضايع ... ونمت وانا مقهورة وابكي من القهر ... ياربي قهرني والله قهرني .. اخاف يوم ارتكب فيه جريمه

__________________
-

فأجبر خَاطري .. بفيّض نعَمك ❤ ....