رد: بجاحة الشغاله ورضا زوجي ؟
اقتباس:
المشاركة الأصلية كتبت بواسطة تركتك لله
اخوي لماذا نتزوج
اخوي سلطان
اعذروني ما اقدر اجاوب نيابه عن زوجي
شكرا لكم
انا ماعندي هرمونات ذكوريه
ولا جافه ولا شي الحمدلله
بس وقت الغضب انفعل
لاني مضغوطه ومستنفذه
عندي ارشيف مشاكل يهد جبال
ولازلت شايله على زوجي امور تقهرني
احيانا اذا تذكرتها اكرهه
زي قصه انه حابسني مايسفرني
تزوجني حتى يقصقص جنحاني
وصار دوري اودع واستقبل خواتي وصديقاتي
هالنقطه هذي مكرهني فيه
ومخليتني بايعه عشرته بكذا مشكله
لانه كاتم على انفاسي
وانا وحده قبل الزواج ازور 3 دول بالسنه
اهلي عندهم شقه بدوله اوربيه
وهو شايف نفسه يقول ما اسكن فيها
فوق كذا يقول الحياه مو سفر
والسفر كماليات
وعادي نسافر مره كل 10سنين
قلت له عادي مع نفسك مو معي
طيب اسافر لحالي.. يقول لا
طيب سافر معي بحسابي.. برضو لا
هذي الشغله لو يعالجها
اقسم بالله مو احطه فوق الراس
الا ابوس رجوله واطيح بغرامه
لانه عاملني كانسانه حالي حال غيري
هو المصيبه عنده فلوس
وعنده رصيد اجازات
ويعرف عشقي للسفر
مع ذلك يحرمني منه ويبتزني
او يذلني فيه بلؤم
يعشمني ويكنسل ويقهرني
حتى سفرتنا اللي بعد ايام
لسى ماكمل ترتيباتها
وما استبعد يفتعل مشكله ويكنسل
ويقول طز بالفلوس اللي اندفعت
معليش اللي شخصيته غيري
ماراح يفهمني
كل واحد بالحياه له افكار ورغبات
زوجي بهالنقطه بالذات سيء جدا
وبهالطاري بالذات يجيني ابليس ويقول تطلقي
لاني فاقده سعادتي وحريتي معه
ولاني اذا تذكرت حياتي قبل الزواج انقهر
هو اللي رجع بوعوده معي
لما تزوجني خططنا لحياتنا سوا
هو خذلني وما التزم بالخطه
ولا احترام هوايتي ورغبتي
ولا حقي بالترفيه.. يقول كماليات
وغصب يفرض علي امور ما احبها
يقول اجتمعي بصديقاتك واسهري واطلعي
طيب صديقاتي كل كلامهم عن سفراتهم
ورحلاتهم ومغامراتهم مع ازواجهم
هو خلاني غريبه عنهم تماما
فوق كذا انا مو اجتماعيه كثير
الامور اللي تمتعني غير عن اقتراحاته
وهو حاب يبرمجني غصب على هواه
يعني لما يجيب لي طقم الماس
قيمته قيمه رحله اسبوع برا
اكيد بنقهر وبحس هالطقم مجرد قيد
انا ما احب الالماس ولا المجوهرات
هو يفرض علي خياراته
اهم شي مايحقق اللي ببالي
هذا انا ما اعتبره حب
اللي يحب يسعد حبيبه مو يقهره
حتى السفره اللي بعد ايام
الف مره يقول انها لبنتي مو لي
وهو اللي شارط يجون الاطفال معنا
طيب اوكي لبنتنا.. طيب اسكت
مو لازم تحسسني اني طرطوره
مو كافي كاسر نفسي لك 3 سنين
حابسني له 3 سنين
ومع ذلك يمن وينافخ ولايحس بغلطته
يعني دام هذي فكرتك عن السفر والترفيه
ليه ما اخذت وحده من ثوبك
ايش المتعه لما تتزوج بنت تحب السفر
وتكتشف دول وتسافر لحالها قبل الزواج
بعدين تحبسها فجأه وتمنعها من هوايتها
زي اللي تتزوج مدخن برضاها
وفجأه تحرمه من التدخين وتقول انسى كماليات
اكيد بينقهر ويحقد عليها
ويقول ارجع عزوبي ابررررررك
حياتي الزوجية باختصار نقطتين:
مغثات و روتين
هو لو يعالج الاولى او الثانيه
كان حنا بخير
|
ايوا انا برضو قلت كذا لا هرمونات ولا شي ..
والله وبكل صراحه على حسب كلامها عن زوجها انا شخصيا مااتحمل اذا كان زوجي كذا ( لا نحكمو عليها بسرعه وان هي الغلطانه .. ممكن اوكي تكون غلطت ب اسلوب لكن ترا اكيد هو كمان غلطان ب اسلوبه ) ..
اسلوب العقاب انا جددددددا ما ااطيقه انو يعاقبني يكنسل سفراتي .. او يعاقبني بأني ما اشوف احد من صديقاتي لشهور او يقيدني بحاجات كثيره او او .. ( وكل زوجه تختلف ترا )
بإختصار ما احب احد يقيدني بطريقة سعادتي في الحياه واحب الي يشاركني واشاركه كل شي نحبه
والله شخصيتك فيها من شخصيتي كثيير يمكن عشان كذا احس اني حاسه بكل كلمه تقوليها عنه ..
ترا ممكن يكون زوجها كويس وهي كويسه بس ارائه وافتراضاته وطريقة عقابه ماتتناسب معاها بدل ماتهدأ حياتهم تثووور ..
اتوقع التغيير يحتاج منكم كلكم .. تغير كبيير ..
__________________
لاتسعى لتصحيح ظن احد بك ££ خالقك ينظر لقلبك وهذا يكفيك
التعديل الأخير تم بواسطة meemaa ; 11-04-2017 الساعة 09:00 AM