اقتباس:
المشاركة الأصلية كتبت بواسطة تركتك لله
الكلام اللي ذكرتيه
هو طلبه مني بالحرف
على فترات متباعده
بس هذي طريقتي بالزعل
اذا زعلني وتجاهلني
انقهر وافكر ارجع لاهلي
مشكلتي يا كوكي باختصار
حياتي قبل الزواج افضل مليون مره
ان كان من ناحيه وظيفتي القديمه
والا اسلوب حياتي وحريتي
اروح واطلع واجي واسافر وانبسط
ماتزوجته الا من ضغط المجتمع
انو كبرتي تزوجي
ولاحظي انا متزوجه متأخر
وكنت افكر قبل اخذه ما اتزوج ابدا
لاني كنت عايشه احلاها عيشه
واهلي معطيني راحتي بكل اموري
وجاني عنتر زمانه ووعدني بامور كثيره
وبعد الزواج حرمني من كل شي بالتدريج
وبحجج سخيفه وتافهه
فلا تلوموني
انا اصلا ماكنت حاجه للزواج
والمشكله لما تركته شهور عند اهلي
ماقدرت ارجع لحياتي قبل الزواج
متورطه بطفلين
يحتاجون اوراق وتصاريح ومصرف ومسؤوليه
يعني لا معه مرتاحه ولا بدونه
لو ماتزوجت احسن
هذا اللي ببالي مع الاسف
|
قاعده تبررين لنفسش يا ام روان !!!!
تبررين اخطائش ... بكلمه بس هذي طريقتي بالزعل؟!!
طيب راح ابرر لزوجش ووحده بوحده ... وهذي طريقته بالغضب
حياتش عند اهلش ماااضي وانتهى ، تبين تنجحين في زواجش كوني صادقه مع نفسش ومع زرجش
اعطي بصدق وحب ، بصراحه زوجش ما كذب يوم يقول ما تحبيني
هو عطاش سبب مشكلتش معاه وهو شعوره انش مستغنيه وبالمعنى الادق مستبيعه
وعطاش الحلول في الاخر تقولين لي ما اقدر !!! وهي حلول بسيطه اي زوجه تقدر تعمل بها
سفر وبيسفرش والعامله ولقى لها حل ، شو تريدين اكثر ، شو يرضيش !؟