بذكر بعض المواقف .. وانتوا احكموا .. انا من جهتي اقول لا .. يمكن لاني احبه وماقدر أتخيل مجرد تخيل انه مايبيني ويبي فلوسي .. بس لو طلع صحيح .. بعطيه كل شي واتطلق .. عشان يدري شقد انا أحبه .. وخليه يتزوج فيها ... واللي يبي يسويه يسويه .. مو هامني ..

قبل فترة عطيت له مبلغ هديه .. قلت له هذا المبلغ هديه مني عشان تشتري السياره .. لاني خفت اشتري لك ومايعجبك .. فرح وشكرني .. مع انه زمان قال لي مايبي يحط ايده على فلوسي ابدا ومابيقبل أعطيه ولا شي .. المهم بعد يومين من استلام المبلغ .. جاني ضايق يقول السياره اللي نفسه فيها غاليه .. انا حاولت اتجاهل .. بعدين قال لي .. سلفيني واردهم لك ... وقعدت اشاور نفسي .. وأقول انه دايم مو مقصر معي .. احيانا يكون بحاجة الريال ويجيب لي اللي ابيه ... رجعت كملت له المبلغ .. وقلت له هديه مو سلف مع كم كلمه حلوه .. وشفته مبسوط .. واخر شي قال لي .. اذا سألوك اخوانك من وين لي السياره.. لا تقولين من فلوسك .. قولي لهم شاريها اقساط .. قلت له طيب .. وسالوني وقلت لهم مثل ماقال لي ..


قبل كم يوم طلعنا السوق .. شفت فستان عجبني مرره ..بس غاليه كثير .. قلت له نفسي فيها .. عجبتني .. قال والله غاليه .. تقدرين تشترين بسعره 5 قطع ماعندي مانع .. او اختاري بسعر معقول او هاتي فلوسك اشتري لك اللي تبينه .. قلت له خلاص هونت مابغاها .. مع انه اي شي يعجبني يشتريه لي بس عنده مبلغ محدد .. ومايحب الشي الغالي .. حزت بخاطري يومها .. ويمكن هالموضوع اللي خلاني انفجر لما طلع اخته .. حتى لما ارسلت له .. قلت له .. كان فيك توفر العشا مع اختك وتشتري فيه اللي نفسي فيه .. وأني تعبت من عيشة الفقر وووو .. وهو مايحب اتكلم عن وضعه ابدا ..

كان كل فتره يتسلف مني ويردهم بفتره قصيره ... اخر مره تسلف مني مبلغ شوي كبير .. قال لي بيردهم بس متأخر .. قلت له عادي .. وإذا فتحنا موضوع المشروع .. ودخلنا بسالفة الفلوس .. يقول لي اذا تحبيني قولي هديه خلاص مو سلف .. قلت له فدالك .. قال لي امزح مو لهادرجه .. مدري هو كان يتكلم جد ولا يمزح ..
ولما طلبت يدخلني شريكه معهم رفض .. عشان لو فشل ما كون خسرانه .. في البدايه جا ببالي انه مايبي يرجع فلوسي .. بعدين حاولت اصدقه وصدقته



والاحظ انه دايما يلمح نشتري بيت ملك ونعيش فيه بدل هالايجار ... بس اسوي نفسي هبله واتغابى واطنش ..


اذا بنتي طلبت العاب .. يقولها روحي عند ماما تشتري لك .. انا ماعندي فلوس ... بس بالاخير يرجع يشتري لها ..


لما حطيت فلوسي في الأرضية انا واختي .. قاعد زعلان كم يوم .. بس ماتكلم .. اذا سالته .. يقول مشاكل بالشغل ... بس وش هللمشاكل اللي صادف هاليوم !




وبس هذا اللي كان يجي ببالي انه يبي فلوسي ... احاول اتجاهل .. واحسن الظن فيه .. لاني أحبه .. ولان افعاله تدل انه يحبني .. معقوله يكون تمثيل ! بس هذا هو من اول زواجنا ماتغير .. مدري وسوستوا لي 😔

انسوا حبي له .. انا راضيه بكل شي .. بس المهم اكون عارفه باللي يصير

__________________
-

فأجبر خَاطري .. بفيّض نعَمك ❤ ....