الله كريم ،،،، ماقدرت انساها ابد ، ودائم افكر فيها
وقلبي كل يوم يحن لها
كل يوم اتذكر العشره الطيبه اللي كانت تجمعنا
والزواج حاليا" ماطرأ في بالي ولا واحد بالميه بأني اتزوج ، إلا يمكن بعد سنتين إن شاء الله بعد تتجدد عندي النفسيه وارجع طبيعي واشيلها من قلبي ، لأن من الظلم اتزوج وقلبي لازال متعلق بالأوله ، وأعتقد والله اعلم توافقوني الرأي
وبالرغم النفسيه هدأت عندي وأحسن من أول ، وبدأت اتأقلم مع الحياه لوحدي
متفائل بالخير ، يمكن تندم وترجع ، نهاية العده عندها بتكون في 1438/9/23
وفي بالي إن شاء الله بحسب خطتي اللي برآسي بيكون في 1438/9/15 بعطي خبر لأخوها الكبير إني ارغب بإرجاعها فإن وافقت فخير وبركه ، وإن رفضت ففي هذيك اللحظه بعد ان رفضت لرجوعها لي ، فهي بتنزل من عيني وقلبي ، لإني حاليا" احبها واموت فيها فهي ام عيالي ولاهو انا اللي انسى العشره الطيبه ، مستحيل مستحيل احاول ارجاعها الآن او مع الايام القادمه لأني ابغاها تهدأ ، وهي تعرف بأن نهاية العده لها بيكون في 1438/9/23 ،
والله من فضل الله سبحانه اني ملتزم بالصلاه والامور الدينيه ،
ابغى اقلكم شي ، بنت اختي انا خالها زعلانه وصار لها 3 شهور ومقرره تبغى الطلاق من زوجها بسبب انه دائم يخاصمها وعصبي شوي ، وزوجها انا خاله ، وجميع من حول بنت اختي حاولو يرجعوها ورفضت تماما ، والبنت تمون علي وتعز علي وتحرتمني وتقدرني ، فقلت لولد اختي انا بحاول لك ان ترجع لك بشرط ، هل توعدني بأنك تتغير تغيير كاااامل في اسلوبك وتعاملك قال وعد ياخال ، وقال اقسم بالله اني نادم ، فحاولت في البنت وهي تبكي وتبكي وتقول ياخال كرهته كره العمى ولازالت احاول حتى قلت زوجك نادم اشد الندم ووعدني بأنه زوجتي ماتشوف مني الا بما يرضيه الله ، فالحمدلله رجعو لبعض ، وهم الآن في احلى واتم السعاده بينهم ، والولد تغير تغيير كامل ، مافيه الا هدايا بينهم وخرجات والبنت اتصلت بي وهي فرحانه بأن هذاك الكره زال من قلبها والله يسعدهم ( وجالس اقول في نفسي ليتكم تعرفون كم انا نادم وكم انا اتمنى بأن زوجتي تعود لي ، ومتفائل بالخير بأنها ستعود قبل العيد إن شاء الله
والشاهد الله إني متأمل في الله ، ومتفائل بالخير انها بترجع ، والله كريم
ومع العلم إذا صار أي شيي جديد بعطيكم خبر للفائده ، بالتوفيق للجميع