هذا كلامها حرفيا:

لما اول مرة حكيت معي ما كنت بعرفك ولا بعرف شي عنك
بس اول شي عملتو فتت شوف صورتك
والله شفت فيها كثير أشياء
شفت فيها حنان من نوع كنت ابحث عنه وكون واسع وكبير بحلم عيش فيه. قرأت كثير أشياء جوا بعيونك
بعيونك شفت الإنسان اللي بدي عيش معو. مع انو كان بقلبي وبرأسي شباب ثانية
بلحظة ما حكيت معي حسيت أني لاقيت شي فاقدتو من زمان من قبل ما أولد
حبيت عيونك من قبل ما يجوا بعيوني
ومن وقتها حبيتك وشفتك الملك

صار وتعرفنا وعرفت عنك أشياء كثيرة وعرفت انك بعيد بعالم ثاني غير عالمي
أخذت قرار كثير غالي وهو انو اي ببعد عن اهلي وناسي وأحبابي واخترت قربك والمكوث بجنبك

عملتك بيي وامي وخيي وأختي وصديقي وصديقتي وزوجي وكتفي اللي بشكيلو وببكي عليه
عملتك كل هالأشخاص بالمكان اللي ما فيه احد قريب مني
ببلد غريب وواسع بخاف كون فيه لحالي
صدقت فيك ووثقت فيك رغم ما صدر مني ومنك
حبيتك للموت لدرجة ما بقدر ابعد عنك ولما كنت بدك تبعد عني اخترت موت قبل ما تعمل هالشي
لما كنت تغيب بشغلك او بصلاة الجمعة كنت اختنق لحالي وابرم بكل البيت على ريحتك
كنت أتنفس بس انت ترجع
كنت استعيد قوتي لما اطلع بعينيك

وصلنا لوقت بشع ما بتمنى كنا نوصل الو
انت قدرت تأخذ القرار بس انا ما بقدر ولا ممكن اقدر
ما فيني كمل خطواتي بلا وجودك ودعمك وسندك
لو بس توثق فينا
بوعدك من قلب صادق ومحروق انو تغيرت وعم اتغير ورح ضَل اتغير
أصلاً ما فيك تنكر انك غيرت فيي كثير أشياء
عملتني من سيّء لحسن ومن حسن لأحسن
ما فيني اطلع منك ولا أشفى منك انت الجرح اذا منبعد والدوا انت
انت القلب والروح والعقل والكمال والسلطة والقوة والسند والفلل كلو انت

والله ما فيني كمل اي خطوة بلاك راسمة أشياء كثير حلوة سوا وأيام روعة بقربك وحب كبير منك
انا بلحظة كرهك الي ما قدرت أتركك بدي اقدر اسى بحبك اترك والله صعبة لو تعطينا الفرصة اللي رح تنبسط منا فيها بكون ممنونة هالعينتين الحلوين انا
يا انا ويا غلا ويا دوا ويا قلب قلبي وروح روحي لا تدمرني ببعدك
انا العليلة والمريضة وبين ايديك عم أشفى لا تتركني هيك وتمشي
ما فيني أوقف ع اجريي بلاك يا كلي وملك قلبي وملكي
بحبك مش بس كلمة هيي نبضة قلبي بكل ثانية انو بينبض ليحبك
اثرت كثير فيني وحطيت بصمة فيي ما ممكن حدا يفهمني الا اذا عرفك
ما تجرح قلبي لان الدوا انت اذا جرحتو من وين بجيب الدوا
غالي كثير وما بقدر انا امشي وابرم ظهري لأروع شي حصل معي ومع غيرك ما ممكن يحصلي

مش قادرة لا نام ولا اكل ولا اعمل اي شي
غيابك ورفضك شل فيني الحيلة والقدرة
غيابك مرض قلبي وروحي وايامي

"اسمي" لا تغضب ولَك الجنة
لن اغضب ولي الجنة
ان شاء الله لا نغضب ولنا الجنة

هل تبيعني كلاماً فقط؟ اريد ان اعرف ان كان هذا بيع كلام؟
لاني أؤمن بأن الحب هو الاحترام و ان انعدم الاحترام فلا يوجد الحب الا الحب المزخرف