عزيزتي اروووواح بإذن الله رح تشفي ورح تبقى مجرد ذكريات ومع الوقت لو تذكرتيها ما عاد رح تترك أثر عليك
أنا مقدرة وضعك وهالشي لا إراديا وبس تيأسي اتذكري حالات مرت بظروف أصعب منك وقدروا يتخطوا هالشي مع الوقت والصبر والإرادة ورجعوا عاشوا حياتهن أجمل من قبل
صيري اشتغلي على عقلك الباطني
ورددي بينك وبين نفسك انو زوجك رجع لأصله الزوج المحب المتفهم اللي عرفتيه طيلة العشر سنين
وانو عم يتعذب وقت بشوفني هيك
لانو الاحساس بالذنب اصعب من المظلوم نفسه
بيني وبين نفسي لمت كتير زوجك وانو زودها بشكه وبعقابه وما لقيت الو مبرر
بس بعدين فهمت انو كل تصارفاته اتصرفها لانو عاش بكابوس وألم ووسواس سيطر عليه خلاه انسان مش هو
وكان على كتر معاناته على كتر قساوته معك لانو الشك بيوصل الانسان لمرحلة الجنون وخاصة اذا كان بشخص بحبه كتير وغالي عليه فبدمر نفسه وبدمره
والحمدلله زوجك فاق على نفسه ورجع صار يفكر بعقله وبالمنطق ومتمسك فيك

كرمال هيك صيري التمسي له العذر لتخففي من ردة فعلك عالذكريات المؤلمة
ويأسك من علاجك طبيعي لانك بمرحلة المخاض ودايما في ألم بس بعدين بيجي الفرج من عند الله
حطي براسك فكرة انو حياتكن رح تصير أجمل
وانو الشيطان دخل بيناتكن ليخرب حياتكن
وانو العشر سنين كفيلة تمحي الثلاث أشهر
وانو الأيام الجاي ونفسك وعائلتك بيستاهلوا حياة أجمل وأحلى

وإتفقي معو انو تصيروا تضهروا مع بعض وقت تلاقي حالك افضل لانو هالحاجز كسرتيه
وخبريه بالكلمات اللي بتزعجك ما يقولها وانك بتعرفي انو قالها مش عن قصد وإنك حابة ترجعوا متل قبل وأجمل
وهالشي اكتبه برسالة اذا مش قادرة تقوليه مباشر
وخبريه انو ما يلمسك لتجي المبادرة منك وانك رح تحاولي لتكسري الحاجز التاني
صدقيني هلئ هوي بمرحلة صعبة كتير وانت كمان
وهو عم يداريك ومتفهمك وانت بس اعطيه كم كلمة ولو برسالة انك مقدرة تفهمه ليضل عنده القوة ليتحمل ويصبر لانه ممكن كمان يمر بحالات يأس
وهيك لا سمح الله بتتدمروا اتنيناتكن

وما توقفي بالعلاج ومهما يأستي بس ترجعي تروقي وتهدئي فكري انو ما رح تبقي هيك
وربنا معك وما بعد البلاء الا الفرج والأشياء الحلوة

دعواتي ترافقك ⚘⚘⚘⚘⚘⚘

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه