اقتباس:
المشاركة الأصلية كتبت بواسطة Neat Man
اقترح عليك ماتتحدثي عما حدث في بيت اهلك وين رحتوا وين جيتوا ايش اكلتوا ايش قال اخوك ايش قالت امك، لما تكوني معه حاولي لاتجيبي طاريهم الا اذا هو جاب طاريهم واعطيه اجابات على قدر السؤال
اطرحي عليه مايناسبه بخصوص علاقتك مع أهلك متى تذهبي وكم المدة، واجعلي الكورة في ملعبه، أدرك أن نفسك تتوق للجلوس مع أهلك وتستمتعي بذلك، ولكن تذكري دائماً أن زوجكِ أولاً وأنكِ لزوجكِ، لذلك دعيه يحدد متى المناسب لك لزيارة أهلك وكم يوم تجلسي ولا تجادلي في ذلك، بعد ستة شهور بعد سنة بعد سنتين سيتغير، الأهم أنتي خوذي الأمر بريلاكس ولا تدخلي في صدام.
|
كنت ماتكلم عنهم قدامه .. بس هو زودها كثير .. اقول بكره بيتغير .. اشوفه يزيد عن قبل .. لدرجة اذا جاني اتصال من واحد منهم .. يعصب يقول ليه تردين واصلا في احد يدق هالوقت مع ان الساعه تكون 10 الليل
بحاول اعمل بنصايحكم .. شكرا لك ..
اقتباس:
المشاركة الأصلية كتبت بواسطة محب السنة
هل تطلعون مع بعض في أيام الدوام ؟ هل تتمشون؟
أيام الإجازة لها وضع يختلف عن أيام الدوام ؟
هل ممكن يكون هذا السبب ؟
لكن لو كان فقط يغار من إخوانك فوضعه غريب حقيقة !! و يحتاج الموضوع إلى تثقيفه من ناحية شرعية لمعرفة حكم جلس البنت مع اخوانها
الا إذا كنتوا كعائلة البنات تأخذ راحتها زيادة عن اللزوم مع الأخوان في اللبس و في وضعية الجلوس مع بعض يعني تجد الأخت في حضن أخوها و كذلك الأخ في حضن أخته بسبب أو من غير سبب أو كان الإخوان سمعتهم ماهي طيبة هنا ممكن يكون سبب غيرته مبرر من وجهة نظره أنا لا برر له أو لك و لكن أظع احتمالات
والله أعلم
|
نعم نطلع ونتمشى ونغير جو نفسه نفس الويك اند .. هو عنده الخميس يسهر مع اصحابه بالاستراحه ومايرجع آلا فجر ويروح عند اهله الين السبت ويجيني .. يعني مال وجودي اهميه .. بس هو السبب اخواني مايبيني اقعد معهم واضحك معهم .. لو اقوله بتبري منهم والله ليفرش دربي ذهب على هالقرار .. للعلم ان علاقته مع اخواني جيده واحنا عيال عم برضو .. الملابس كنت البس عادي قدامهم بس هو منعني .. صار يفتش شنطتي اللي بروح فيها لاهلي .. مره ماتلاقيت معهم اكثر من أسبوعين واخوي الكبير سلم علي بالحضن وبوسة خد ..زوجي دفه وقاله عيب انتوا اخوان وش هالسلام .. مع ان سلامه عادي .. اخوي زعل منه ذاك اليوم يقول لي وش فيه زوجك .. قلت له يحب يمزح معاك .. اخواني كبار مو صغار عشان يغار منهم