المشاركة الأصلية كتبت بواسطة ساري الليييل

الله يكتب بما فيه الخير
قبل امس اخذت اولادي بعد المغرب ، ورحت امشيهم وتعشينا سوا ، ورجعت اولادي عند امهم بمنزل ابوها عالساعه 10بالليل ، والله لما شفتهم ارتحت نفسيا وانبسطت معاهم
وبستمر على هذا الموال ، وكل اسبوع بنفس الطريقه ، لعل وعسى الله يجمع بيننا في خير وتندم وترجع ، لأنها تطلقت بسبب غير مقنع ابد ، وبالرغم ماشاء الله عليها هي محافظه وملتزمه ، ولكن هذا امر الله ، وفيه واحد من الاعضاء يقول يمكن انت تشوف انها بالغت في زعلها وهذا بالنسبه لك ، وقال هي بالنسبه لها يمكن اثرت في نفسيتها ، انا اقول يمكن كلامك اصاب الحقيقه ، والله اعلم ،ومع العلم إلى الآن مسوية لي حضر بالواتس على الاثنين من رقمها
وكأني سويت مصيبه ، وماجاني خبر انها ندمت حتى الآن ، وافتكر قبل الطلاق قالتها لي مرتين ، قالت وهي تبكي لو اعطيتني طلقه واحده يمكن مع الايام ينكسر قلبي وارجع لك ، ولكن اذا ماطلقتني انا بروح المحكمه ، وعشان كذا اعطيتها طلقه من اول ماكلمت المحامي وهي تطلب الطلاق ، واساسا ماتقابلنا في المحكمه ولاشي ، انا عزيت نفسي ودخلت عالقاضي واعطيتها طلقه ، ومع العلم بعد ان طلقتها ، ارسلت لها رساله وقلت فيها ،

((( انا اعطيتك طلقه لاني ماابغى اعذبك معاي ، والمحامي لما اتصل بي قلت ابعد عن الموضوع
وانا دخلت عالقاضي بنفسي واعطيتك طلقه
(قلبي يحن لك بكل لحظه)
وطلقتك وأجبرتيني بذلك،وماقدرت انسى العشره الطيبه معاك والكفو ماينسى،اتذكر اجمل ايامي انا وأنتي،وأتذكر اجمل ايام عمري معاك،مقدر انساك
قلبي يحن لك .....!! ))) هذي كانت رسالتي لها


ويالربع تعذرت اكثر من مره وارسلت وساطات ومافاد ، ولذلك حصل الطلاق
ومستحيل مستحيل اراسلها او اتصل بها ، حتى اولادي لما اجي آخذهم زوجتي المطلقه مااتصل بها ولا اراسلها ، واساسا هي مسويه لي حضر ، فأنا اعز نفسي ، ومتى ماندمت وتبغى ترجع فالعلم عند الله ، ولكل حادثه حديث
ولاتلوموني ، والله يعين