المشاركة الأصلية كتبت بواسطة ساري الليييل

اليوم رحت المحكمه ، واخذت موعد على بكره وسجلت عندهم البيانات ، وموعد عند القاضي قبل الظهر ، وبعطيها طلقه واحده فقط ، فإن رجعت خلال الاشهر الثلاثه فخير وبركه ، وبوافق على رجوعها في حالة ندمت وارادت الرجوع ، وبوافق على رجوعها ليس لسواد عيونها ، انما بسبب اولادي لايتشتتون ، ومادام ندمت وارادت الرجوع فراح تصير زي الألف ، وبإذن الله لأفتح صفحه جديده ، وبمسك لساني لاني كنت اخاصمها ، وبفتح صفحه جديده ، وان انتهت العده الثلاث شهور ولم ترجع ، فبتزوج والشيطان ملعون ، ولكن انا ابصم بالعشره اكثر من مره راح تندم على طلاقها وراح تطلب الرجوع ، واقسم بالله ابوها وامها واخوانها واخواتها وجميع الاسره وكل من حولهم من الاقارب هم الآن عايشين بهم وحزن بسبب بنتهم اللي داقه براسها الطلاق ، وتفكر ان الطلاق هو الحل ، وخلاص انا بشتري راسي اعطيها طلقه واللي يكتب الله ، حياه الله
خلاص نفسيتي اليوم زي العسل ، ليش اشيل هم انسانه وهي ماتستاهل ، اللي قاهرني وفاقع مرارتي ، كل من يكلمها تبكي بكاء مرير ، وتقول ماقدرت انسى مشاكله وغلطاته فيني واهانته لي ، وماقدرت اسامحه وخلاص ابغى الطلاق ، قلت لأخوها يارجل انا اعتذرت وندنت وارسلت وساطات ، وانزلت من مستواي لعيون اولادي لمساعي الصلح ،ولكن خلاص قرار ومافيها كلام بكره بعطيها طلقه من عند القاضي ، وخليها ترتااااااااااااااااااااااااح وتعيش مع البكاء والهم
والله انها ماتستاهل ، ((( كلمة حق وشهادة حق حاب اقولها لكم ))) اشهد بالله انها انسانه متدينه ، محافظه عالصلاه تخاف الله ، تصوم ، متربيه احسن تربيه ، وهم من عائله محافظه ، ماهي حقت البرامج المعروفه ،ماعندها الا واتس ومشاركه بقروب اهلها فقط ، وللأمانه هي محافظه عالصلاه باوقاتها ((( سبب طلبها الطلاق الرئيسي))) تجريحي لها عندما يحصل مشاكل بيني وبينها وقالتها بنفسها امامي وامام ابوها وامها واخونها قالت انا انفجرت صبرت وصبرت وصبرت عليه ووصلت لمرحله لباب مسدود ومعاد اقدر اتحمله ابد وكرهته ، وتقوله وهي تبكي ، وقالت امر بضغوطات وحاولت ارجع له لكن تقول اقسم بالله كرهته ومقدر اعيش معاه ، ومستحيل اجلس على ذمته وابغى الطلاق او بروح المحكمه ، وهذا هو السبب الرئيسي للطلاق وصارلي 11 سنه متزوج ، اشهدبالله ماعمرها غلطت بحقي ، قلت والله انا محافظ عالصلاه ، لاني حق حريم ، لاني حق مخدرات ، لاني خاين ، انسان متربي والحمدلله ، اخاف الله ، ماتزوجت عليها ، ومادام مقرره الطلاق بسبب انها انفجرت
فأنا عند كلمتي ماارجع بكلمتي ، وراح تنفجر صح ، والدلع الزايد بيروح ، وابصم بالعشره راح تندم وترجع ، وراح انزل موضع جديد بالمنتدى اذا رجعت وندمت ،، فهي تفكر ان الطلاق هو الحل
وانا مستحيل افكر فيها او انتطر انها بترجع ولا لا ، بوكل امري الى الله
والله يكتب بما فيه الخير والصلاح