والله شهادة حق ، اهلها ناس ملتزمه ، وامها بالذات قالت لاتطلقها ياولدي ولاتطاوعها ، خلها تهدأ ، وابوها حاشرها كل يوم يبغاها ترجع ، وكذلك اخوانها الثلاثه واخوتها وقريباتها ، يحاولو وهي كالعاده تبكي وتقول انا قنعانه منه ، وتبغى الطلاق تفكر الطلاق انه بيجيب لها الحل وبيبعد هذا الزعل اللي بقلبها ، انا بمشي على ارائكم وعلى قولتكم انا بصبر ومعاد بتصل بها ولاعاد براسلها وايضا كل نهاية شهر اجي آخذ الاولاد وامشيهم واعشيهم حدود 3 ساعات وارجعها لهم ، وايضا استفدت منكم اعطيها هديه مع الاولاد ولا اتواصل معاها ابد ، وللامانه ويقول لكم لاحياء في الدين هي تحبني وتبغاني وشاريتني ، ولكن هذا الكلام قبل اكثر من شهرين ، يعني قبل الزعل ، والحين قالبه الدنيا على راسي ، وقلت لها عدد مرات ، بيض وجهك يابنت الأصول انتي تحملتيني كثير ، والآن جاء دوري وبتحملك وبصبر ، حتى ترجعين ولكن مسألة اطلقك وتشوفيها انه هذا هو الخل ، فشيليها من راسك ، ولاني من الناس اللي انسى العشره اللي بيننا وخصوصا بيننا ولد وبنتين ، وياجماعة الخير ارحامي واخواني قالو لو كنا بدالك والله لنطلقها وماتجلس دقيقه مادام تقول كرهتك وعافتك وقنعانه من الحياه معاك ، قلت ياجماعة الخير انا رجال اعرف معدن زوجتي وعشرة عمر 11 سنه وجميع السنين اللي مضت نحب بعض ومتعلقه فيني وبيني وبينها حب واحترام وتقدير واجمل ايام العمر ، فما هو من المعقول فترة زعل شهرين عند اهلها انا انسف واجحد هذي العشره اللي بيني وبينها ، فمن واجبي اصبر واتحمل لاني انا الغلطان ، فغصبا عني وانا اجبر نفسي وبطيبة خاطر انه لازم اتحمل ، خلاص انا غلطت فمن الواجب اتحمل واصبر حتى الله يفرجها ، وزوجتي معدنها ذهب ، انسانه محترمه وملتزمه واخلاق وتخاف الله ، ولكن انا اعترف اني غلطت بحقها وضروري اصبر واتحمل ، والحمدلله الاعضاء ايدوني بقوة التحمل والصبر ، ومتابع معاكم جميع الآراء ، وآرائكم محل اهتمام وتقدير