هذي مشكلة السنة الأولى المرأة ببالها حياة معينة وتنصدم بالواقع
مافي رجل مفصل تفصيل وأيضا مافي إمرأة مفصلة للرجل

تقبليه أختي وحبيه
تراكم وصلتوا مرحلة صار يقول معقول أنا سيء وأنت كاملة؟
تخيلي شعوره
مين يحب يعيش مع شخص ينظر له بهذا القدر من السوء وهو غير سيء
يعني تلقين برا البيت كلن ينفخ فيه أنت وأنت وإذا دخل بيته حطمتيه
تداركي نفسك حبيبتي وخلاص تقبليه تقبل كامل وبتتعودين كلنا كذا

أول سنه والله إن مخدتي مليانه كحل من كثر ما أصيح والآن أضحك على نفسي

أهم شيء راحتك النفسيه معه ورغبتك بإكمال حياتك معه يعني تحبينه كشخص وترتاحين له
أما إذا فعلا تشوفين إنك ماعاد تتقبلينه ولا تبين هالعيشه حتى لو تقعدين طول عمرك في بيت أهلك أو تآخذين زوج بمواصفات أقل هنا إعرفي إنك لازم تتطلقين

وسعي صدرك وبردي أعصابك أختي ولا تتفشلين من شخصيته ولا شيء ثقي فيه وخليه يسوي كل شيء ولو ضحكوا وإلا علقوا لا تتوترين اختاري رده فعل أريحيه واعتبري إنه جالس ياخذ دروس في هالحياة للمستقبل



زوجي مره يعلمني عن رجل يقول كان إذا جلس مع شباب خلاص هو الطقطقة حقتهم شخصيته ضعيفه وطيييييب جدا يضحك مع اللي يضحكون عليه
لدرجه لما بشرهم بزواجه تحول المجلس لضحك هستيري

المهم يقول الرجل انشغل بعد الزواج وصار يعتذر عن بعض الاجتماعات ويجلس في بيته كثير
وفاجأهم بعد فتره بوظيفه مرموقة وصار حضوره بالمجالس ثقيل وشخصيته تغيييرت

زوجي يفسر الموقف بأنه تزوج زوجه حكيمه احتوته وهو مع الوقت ارتفعت ثقته وقرر يغير حياته

الزوجه تسوي فرق في حياه الرجل.. لا تستعجلين وكوني حكيمه وطويله بال والشيء الوحيد اللي عليك تعمليه الإحتواء وهو عليه يشوف نفسه