عجييييب!!
كنا متفاعلين معك لما كانت قراراتك متزنة وذو حجة أما الآن !! فوالله ماشوفك الا متخبط
(واحذر ياصاحب القوّة كل الحذر من الظلم ! )
والحقيقة أن زوجتك ماهمتني
لكن اللي يكسر في قراراتك الأخيرة هي بنتك بس !!
اسألك بالله وحده وش الهدف اللي تسعى لتحقيقة في مصلحة هالرضيعة وانت تحرمها من فطرة الله في الإكتفاء الطبيعي بحضن الأم مادامت الأم على قيد الحياة ..
ويالييييييت بتجيبها عند جدتها بنقول قد يكون ..
قد يكون !! لكن ليه تحدّها على مرارة اليُتم وانت ترسلها عند بنت عمة أبوها تتكرم عليها وتضفها! تتكرم عليها مرّة وتتأفف منها مره وتغيرلها وهي مقروفة مرة وتخض رضعتها احياناً وهي مزعوجة و و و و !!
هذا كله ياخوي بس الأم اللي تسويه بحب وبرحمة وبكرم وبـ فطرة (يارجل) الفطرة اللي تبي تغتالها في بنتك ..
ياشيخ اتق الله في نفسك بس ولا فيه شي في الدنيا يعادل ضمّة أمها لها !! وطبطبتها عليها !! ورضاعتها منها !! ونومتها معها ..
إذا قّدر الله على طفلتك تولد بين أب وأم منفصلين المفروض تجتهد أكثر في توخي مصلحتها عشان تكبر وهي سويّة نفسياً ..
ماراح أحدثك أنا عن أهمية الأب لبنته لأني أكثر من يتكلم في هذا لكن الحقيقة الأبديّة أن (الأم) هي كل شيء للطفل تحت سن الـ 3 سنوات على الأقل ..
ولو كانت طليقتك فيها مايعيب أخلاقها ويقدح تربيتها ويضر طفلتها كان قلنا وجهة نظر .. لكن خطيئتها الوحيدة في حياتها أنها اختارت تدرس في (الوقت الخطأ والمكان الخطأ) وشغف العلم ليس خطيئة يحرمها الحق في أمومتها !!
مافيه أعظم في الدنيا من إحتساب الأجر فيما نكره .. احتسب الأجر قول ياربي تنازلت عن حقي الآن في الحضانة هالفترة لمصلحة بنتي ياربي عوضني في ذلك كل الخير وابشر بأبواب الرحمة اللي تنفتح لك في السماء والأرض إن شاءالله ..
__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هُنا دلال ، حيثُ نجد وحيثُ الشمال