اقتباس:
المشاركة الأصلية كتبت بواسطة إستنكار
كم عمر طفلك !
لانك تراددينه و كانه كبير وهذا مو اسلوب تربيه
تدرين سمعت من مستشار ان ثلاثة ارباع التربية في التغافل .. عن التصرفات السيئة لان الطفل عنادي بطبيعته
وامك محتاجة هدوء وراحة بال مو نكد و مرادد ماتنلام يوم انفعلت
وانتي ليه تاخذين ولدك و تفوتين اختبارك دام امك مدلعته ! ماحسنتي التصرف باخذك له
خفي حساسية و انفعال الولد يستمد من عصبيتك
ماكان الرفق في شيء الا زانه ومانزع من شيء الا شانه
ريلاكس و لا تكبير اخطاء الولد
كان بامكانك تسكتين و تاخذينه بهدوء تغسلين يده
مو نكد على الاكل
اتمنى اني افدتك ان شاء الله
وبرك لامك بتلقينه بولدك فتغافلي عن تصرفاته ووجهيه بطريقة لطيفة ماتسوي توتر في البيت وامك خليها تدلعه 🙂
|
عمره 6سنوات الله يحفظه ويخليه
واشكرك على ردك
ولكن هذا سنوات العمر اللي تتكون فيه شخصية الطفل
وانا الحمدلله من فضل ربي
وماشاءالله تبارك الله مدلعته ومو مقصره عليه بشيء
بس مااتحمل اشوف لسانه وسخ ويسبني واسفهه وانا امه
اذا وهو صغير يحاكيني بهالطريقه اجل وش خلى للكبر؟!!
وامي الله يخليها ويحفظها
ربتنا احسن تربيه بين الدلع والحرمان والضرب
وعمرنا مانتجرأ نرفع عيونا فيها
بس الله يهديها من كثر ماتحبه جالسه تخربه من غير ماتحس
والمشكله هي بنفسها احيانا تلعن تربيته
لان من زود الدلع حتى هي يرمي عليها اشياء اذا ماسوت له اللي هو يبيه
ولكن انا نزلت هالموضوع من باب الفضفضه
ومن باب لو احد نفس وضعي
ووممكن انه يفيدني
بكيف اوفق بين تربية طفلي
وبين اني ماازعل امي