أنا توجهي غير عن كل اللي هنا عشان كذا جلست لحد هالوقت ساكته
لكن بأقول لك رأيي عشان أرتاح

زوجك لما عرف ايش سويتي شافها كبيره بحقه وردة فعله أكبر بكثير مما تستحقين
لأن ما هانت عليه نفسه هذا كل الموضوع

وشخصية زوجك هي هي غلطتك ما غيرته كل اللي صار ان أظهرت وجهه الحقيقي لك
وهو بأحد نوبات غضبه قالها لك صريحه ما راح يطلقك إلين ما يتأكد انك ما تصلحين للزواج ثانيه
مارس عليك أبشع أنواع العنف وصار هو الخصم والقاضي والجلاد والمنقذ بوقت واحد
يعني مالك إلا هو ،، مردك له ،، الكل بيتخلى عنك ،، ووووو من الكلام اللي كان يردده على مسامك

ويوم أمك لاحظت تغيرك وضعفك هو اللي رد عليها عشان ما يخلي لك مجال تتكلمين





أبوك لأنه شخص سوي كل ما يتذكر والد زوجك يخف غضبه
لكن زوجك ولا حط لأبوك قدر ولا حشمه ولا شي
لأن لو كان له قدر عنده كان وقت ما شاف رسائلك وداك عنده وخلاك ببيت أهلك
لكن لا ،،،

مع آخر تحديث لك كال بودي ان أبوك ما استعجل ورد عليه ولا حتى استقبله ببيته
المفروض انكم معلقينه على الأقل 3 شهور
وتمنيت انك تمنعتي عن الكلام معه يوم طلب يسمع انك تبين الطلاق بنفسك
لأنه استشف منك انك ما تبين المحاكم فهو فهمها ان لازلت خايفه من الفضايح




...
أختي كلمة تعنيف جداً بسيطه ولا توصف اللي صار لك
اختي انتي تعرضتي للحبس والترويع والضرب المبرح والاغتصاب من الشخص اللي المفروض تلقين منه الأمان


هذا اللي عندي وآسفه على الاطاله
ودي تدرسين الموضوع من كل زاوية قبل تقررين أي شي
ولا تستعجلين ولا تضغطين على نفسك

والله يكتب لك اللي فيه الخير