أرواااح الشكوى في المحكمه وش بينتج عنها غير الطلاق
والضغط عليه يمكن يطلق وتنتهي قصتك وحياتك معه
لكن انتي وش استفدتي هل بطلاقك رجع حقك
ورجعت كرامتك هل بطلاقك بردت نار القهر اللي بقلبك
وقلب ابوك وامك واخوك هل بطلاقك فيه خيره لك
ولعيالك
انا اقولك الطلاق بيشتت اطفالك بينك وبينه وهم اربعه
مش قليل
بتعيشين في بيت اهلك مهما كنتي معززه بس حياة المراه
في بيتها ومملكتها وبين اطفالها وابوهم غير
ماراح تتزوجين اللي اكيد الا بعد فتره اذا الله اراد واكيد
الفتره مهيب قصيره
ماخذتي حقك منه ولا رجعت لك كرامتك يارواااح من اللي
سواه فيك
وهو بعد الطلاق بيزعل شوي بعدين بيبداء حياته مع زوجه
جديده واطفال صغار ويعيش عمره وعيالك ياخذهم عنده
ولا لو تكرم عليك خلاهم عندك ويصرف عليهم بالقليل
ومع الوقت بينساهم اذا جاه اطفال
أرواااح قضيتك مع زوجك قضية حق لازم تاخذينه منه
على اللي سواه فيك وكرامه تسترد
لازم ابوك واخوك يجلسون معه ويتخذون الازم معه
وتملين عليه شروطك وتعويضات ماديه ونفسيه
ولله اني اعرف لك وحده ظلمها زوجها في امر واكتشف
انه ظالمه وبعد ماعتذر منها لم تقبل عذره الا بشرط
وكان شرطها جزيه يدفعها لها زوجها سنويه مدى الحياة تنزل
في حسابها كل بداية سنه ولها الان 12 سنه تدفع لها
لازم زوجك يعرف حجم الاذى اللي سواه ويعاقب عليه
ويرد لك اعتبارك وكرامتك وبعدها ترجعين له
الطلاق والشكوى في حال رفض شروطك صح اشكيه
واطلبي حقك منه عن طريق المحاكم وبعده الطلاق
اما اذا نفذا شروطك وتمرمط وتادب على فعلته وعرف
ان الله حق وندم وحرم تكرار فعله ذيك الساعه خذتي
الحق وهذا رائي ان الرجل لازم يعاقب على اللي سواه
ويقعد للحق معكم