السلام عليكم ورحمة الله وبركاته


رائعة الفكرة يا أخت توت بري



انا للحين ماسويتها لكني محتفظ بكل رسالة وكل كرت جاني من زوجتي الحبيبة لكن مو بصندوق لكن بعد اليوم راح اشتري الصندوق اللي قلتي عنه وفعلا كل ذكريات ماقبل الزواج موجودة عندي بس زي ماقلت لك ناقصها الصندوق عشان ماتضيع


وودي اقول شي راااااااائع بهالمناسبة


قبل سنتين يعني قبل ما اتزوج كنا ننقل من بيتنا القديم للبيت الجديد

وكان من ضمن الاغراض الشخصية للوالدة صندوق تحفظ فيه الصور حقت زواجها وصور كثيرة لها هي وابوي يعني ذكريات حلوة لسفرياتهم وروحاتهم وجياتهم حركااااااات

المهم من ضمن الموجودات بهالصندوق طاحت بيدي ورقة




فتحتها




















قريتها























طبعا عرفتو وش هالورقة






















رسالة كاتبها ابوي لأمي اول ايام زواجهم الاولى

رسالة تحتوي على كلمات بخط ابوي اللي ماهوب حلو طبعا تعليمه متوسط ومع كذا كان الكلام اللي كاتبه حلو وعرفت لما قريت الرسالة وش قد ابوي رومانسي وش قد يحب امي ووش قد كان يشتاق لها

تخيلو هالكلام قبل 23 سنة

ومن اللي لقى هالرسالة وشافها ولدهم الكبير




طبعا لما واجهت امي بالرسالة قال يوووووووووه من وين طلعتها وصارت تضحك بقووووة

قالت رجعها مكانها ولا حد يشوفها غيرك




وربي شفت الوناسة بعين امي ووش قد اثرت هالرسالة فيها بعد كل هالسنين


شي فوق الوصف

تخيلو اثر مهوب حنا بس اللي نعرف نعمل اكشن بحياتنا الزوجية

حتى امي وامك وابوي وابوك كان لهم صولاتهم وجولاتهم بهالامور ويازينها من ذكريات







يعطيك العافية اختي توت بري


إهداي مني للجميع بمناسبة حلول الشهر الكريم

http://www.seheb.net/flash/h9.htm



بـييو ليتر

__________________