أنا مع هاجر ومهره ماشاءالله ردودهن تسلي الخاطر

.....
حتى في الشرع والدين العقوبات تصنف على قدر الجريمة !! مثلاً اللي سرق ولأول مرة وشي زهيد مايعاقب مثل اللي قتل متعمد ؟!
هذا إذا حكينا عن النسبة والتناسب في الفعل وردات الفعل وإذا حكينا عن الحدود البشرية والإنسانية اللي غير مسموح لأي قاضي كان إنه يتجاوزها !!

نجي لموضوع إن زوجك يحتاج علاج نفسي أو مايحتاج ؟!
كيف أصلاً شخصتوه أنه سليم نفسياً !!
لما إنسان في الدنيا يتعامل مع ضحيته بإعتداء وحشي مكثف على كل تفاصيل جسدها ويتلذذ في ذلك لدرجة تحتاج علاجات ومراجعات للعيادات ويحثّها على الإنتحار ويمارس ضغوط نفسية عليها وهي أقرب إنسانه له ! هذا تصنفونه طبيعي مايحتاج علاج !؟ أجل وش اللي بيحتاج علاج نفسي خلاص نسكر العيادات النفسية ونجلس نبرر العنف بسبب الضغوطات والمواقف ؟!
كل مشاكل ضرب الزوجة هنا ماقد قلنا لأحد مريض وروح عالج نفسياً لأن المشكلة مو الضرب المشكلة أبعد مليون مرة من الضرب المشكلة ياناس (القدرة على التعذيب ) القدرة في إنه صبر يشاهدها تتعذب !! هذا بحد ذاته مخالف للفطرة الإنسانية وهذا مؤشر إنه شخص خطير ؟!


عموماً يا أرواح كل خطواتك الأخيرة ممتازة ومبشرة بالخير والخوف هو اللي يؤدب وزوجك خاف واحسن جات منه انه مايبي ياخذ الأطفال خلي الرجال يتفاهمون معه ويردعونه وبالآخر صدقيني بيخضع لشروطك وبيرجعك لأنه أصلاً مايقدر يعيش بدونك وهذا واضح جداً إنت بالنسبه له الأكسجين والماء !! الأهل عز تعبنا نقول الأهل عز لاتقولين زوج ولا عيال ولا ولا ولا الأهل بس هم العز
الله يخليهم لك يارب ويرده لك رداً جميلاً ويهدي حالكم