مساء الخير

قبل شوي رجعت من المستوصف ولما كنا بالطريق واحنا راجعين اخوي طلب جوالي يشوفه وانا على طول مديت يدي عطيته قال خلاص مايبيه دام اني واثقه ومايحتاج يفتشه ورجع سألني ليه ماتسوين كذا لما كان زوجك يطلب الجوال عطيه وانتي واثقه وكذا بيخف الشك قلت له اصلا مايمديني اقول ايه او لا مايمديني حتى اني ارفع عيني على طول يجي يسحب الجوال قاال الله يهدي الجميع وسكت

شاورت نفسي اني اسمع نصايحكم واقوله ولمتى بظل ساكته
قلت له ياخوي في شي ماقلته لك عن فلان اللي هو زوجي
قال وش فيه
قلت له اول ماشاف المحادثه سوا كذا وكذا وكذا وسردت عليه كل شي
كنت ابكي بحرقه ماقدرت اكتم طلعت بقلبي وهو صافن ولا تكلم بكلمه بس قال خلاص اسكتي لا تكملي وطول الطريق ساكت ووصلني بيت اهلي ومانزل معنا وراح