حبيبتي الف الف مبروووك الرجوع ومليار مبارك الوظيفة وربي يجعلها خيرة ويعوضك عن الايام الماضية
بالنسبة لكلام زوجك عن الوظيفة ما تتنرفزي بالعكس خديها انو عرف قيمتك وقيمة قدراتك ولو بوقت مأخر
وممكن بالفعل مقهور عليكي لانك بتستاهلي الافضل ومش شفقان
فقوليلو الحق معك انت شفلي وظيفة مرتبة وعندها بترك هيدي و تعي معو بالكلام وانت الكسبانة
وما دام خصص لك مبلغ كل شهر وما حكيتوا بالأشهر الماضية اللي صرفتيها على الأولاد فما ترجعي تفتحي الموضوع الا اذا سألك كيف صرفتي
بطريقة غير مباشرة مع الأيام وبوقت كتير حلو اطلبي بقيمة اللي صرفتيهن هدية ذهب ويكون في مناسبة قوليله عاجبني هالعقد او هالطقم كتير بس يا ريت معي المبلغ كامل
وبالنسبة لوالدته ممكن عندها بيكفي هالمبلغ لانو انت من جيل وهي من جيل
فأكيد رح تختلف طريقة التفكير او الحسابات عنك
وبالنسبة لسماع زوجك من أمه دايما الولد بيشوف انو امه عندها خبرة وخاصة اذا مسألة بتخص النساء
فبيعتبر رأيها صح
والا ما كان قصده يقلل المبلغ
ارمي الماضي وراكي وابدئي من اول وجديد
وما تدققي على كل شي الا الشي اللي بيستاهل
وزوجك بدو وقت لينفذ كل الشروط لانو بيضل بشر وممكن يخطئ ويغضب وما في انسان بيقلب 360 درجة بسرعة بس بيتعلم من اخطاؤه وبيحاول يصلح منها بس بدها القصة وقت واعطاء الفرص
الله يسعدك ويسعد عيلتك دنيا وآخرة حبيبتي ويجعل كل ايامكم حلوة
دعواتي ترافقك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه