رد: غُرف المعلمين والمعلمات
أم عبيدالله
يامرحبا يامرحبا أسعدني حضورك والله وان شاءالله نستفيد منك
فعلاً الامر يحتاج ادارة حازمة طيب ماتوفرت هالاداره ؟ مع ان غالباً المشكلة مو فيها المشكلة في حاشيتها ..
الواقع اننا ماتقدر نغير الوضع ونعدل سلوك مئة شخص في هالمكان
لكن أنا كيف اقدر اتعايش معهم ؟ كيف افصل نفسي عنهم ؟ بالرسمية ولا اللين ولا الجدال ولا القوة ولا ولا ولا ؟ جد مانعرف كيف نتعامل صح مع هالمجتمع خصوصاً اللي جديدة عليهم
الشيء الثاني كيف ما اخلي هالضغوط تأثر على بيتي وحياتي لأني فعلاً احياناً ارجع بيتي زعلانه ومرتفع صغطي وما اتحمل اي كلمة من زوجي شوي كم ساعه لين اتعوذ من الشيطان واهدأ والحمدلله انه متفهم ومايصعد المواضيع
في الموضوع للآن كلنا نشتكي ونكتب تجارب وهي مفيده لكن مافي حلول ؟
التعليم راااائع والعمل فيه ممتع وجميل وراقي خصوصاً مع الطالبات والإنجاز فيه له لذه ماتعادلها لذه لكن ضغوطه عظيمه ! للأسف
نرجسية
فعلاً انت عكسهم اكيد ماراح تعجبينهم
ماشاركتي معهم في الغيبه انتِ نفسية
ماشاركتيهم احزابهم وتحيزهم معناه انتِ عدّوه
ماتعلمينهم أسرارك وسوالفك معناه فيك وفيك
وهلّم جرا
اي شي جديد بتطبقينه مثري وممتع بيزعلون عليك
علاقتك طيبة مع البنات ويحبونك اووو خلاص انتِ خربتي عليهم الطالبات كذا
لازم اهاوش وأصرخ عشان أعجبهم !
الله المستعان
__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هُنا دلال ، حيثُ نجد وحيثُ الشمال
التعديل الأخير تم بواسطة أبله دلال ; 21-01-2017 الساعة 11:21 AM