رد: غُرف المعلمين والمعلمات
تدرين يامبتعثه اني يوم كتبت الموضوع كان ضعفين هالكلام هههه بعدين حسيته طويل ولخصته يختي لاشعورياً لافضفضتي في هالموضوع ماتقدرين توقفين من الحرّه
آآه يامبتعثه كتبتي كل اللي كنت أبيه ينكتب ناقشتي كل نقطة من نقاط رفعة الضغط قسم بالله ان ردك برّد خاطري وانا اقرا واقول هذه شكلها في مدرستي نفس المعاناه نفس الشعور نفس القرف والتعب
الغرفه فيها 40 مكتب .. يمكن خمس بس العاقلات النفلات الخيّرات والباقين اعوذ بالله وش نقول بس
ان جينا للنفاق شي تتهول منه حتى الجدران ،، قدام عيني يسبون وحده سب اعوذ بالله ولادخلت عليهم طاروبها وقهووها ومدحوها ولاقفت وطلعت رجعوا يسبونها لاااا اله الا الله
ان جينا للحسد يحسدون على الضحكة على اللبس على الأكل على السوالف حتى على الابتلاءات اللي تجيك يحسدونك تخيلي انا حاسديني عشاني ماجبت عيال ؟؟ ياحظك مروقه وقتك كله لك وفلوسك لك ونوم وسفر وراحه يعني وش اسوي بالله هذا شي انحسد عليه جعلكم ماتذوقونه ولا العدو يذوقه
وحده مريضه فيها مرض ياعالم وتغيب وتجيب اجازات حاسدينها عالاجازات وانها تتدلع و و و
وعلى قولتك تعالي للقافه يوووو هذه يبيلنا موضوع مخصص نتكلم فيه عن اللقافه مايعرفن الذوق ابددد تتدخل في اللي مايخصها انا احيان يسألوني اسأله ودي اقوم اخبط راسها بسجل التحضير !! عيييب هذا السؤال عيييب حتى اهلي مايسألوني اياه .. ويجمعون سوالف ما ادري من وين جايبين برنت عن كل وحده وزوجها واهل خوال ابوها وحتى موديلات سيارات اهلها يعرفونها .. عاد ناهيك عن الاشاعات اللي تطلع شي يشيب الراس وبعدين فيهم كمية غباء عظيمة شي غير طبيعي من الغباء او يتغابون مدري بس صراحه نماذج غير مشرفة تتعبين حتى تفهمينها اي موضوع لأنه بقدرة قادر وانتي تطرحين رأيك يفهمونه عكس اللي قلتيه
خلاص قولولي وقفي وكملي بكرة لأني ماراح اوقف
مجتمع مرررريض جد لكن عاد انا ماخليهم لساني طويل واهاوشهم بس بضحك ومزح وما اعطي وجه ورسمية ومع ذلك ما اتحمل طريقتهم صراحه
السؤال اللي عجز العلم يحصله اجابة لييييييه ؟ ليييييه كل هذا في غرف المعلمين بالذااات ؟
__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هُنا دلال ، حيثُ نجد وحيثُ الشمال