حفصه اذا كانت فعلاً خايفه انه ولدها يتغير عليها ايش ذنب زوجته المفروض انها تركز ع ولدها مثلاً تعود ولدها يهدي لها كل شهر هديه تكلمه ولو بمزحه ليه ماعاد تشتري لامك مثل قبل صدقيني مشكلة بعض الامهات من حنيتها ع ولدها ماتقدر تكلمه ع انه هو السبب مو زوجة الولد ولو طلع انه الزوجه تزعل اذا اشترى لامه او زارها برضه الغلط ع الولد ليه يسمع كلام زوجته وبإمكان الأم تلف ع ولدها زي مالفت عليه زوجته واذا كان عاقل الولد بيمسك العصا بالنص

ابو عبدالعزيز طيب اخوي بما انك شاركنا الحديث ليه الولد مايقدر يحل المسأله هذي انا والله استحي إني أصف أم انها تغار من زوجة ولدها لكن خلينا نقول تخاف لانه بالفعل بعض الامهات تخاف إنه ولدها يتغير انه الزوجه ماتجي ع مزاجها ومزاج ولدها وغيره من المشاكل

ابله دلال هلا وغلا بأستاذتنا الله يخلي لك أم زوجك ماشاء الله صحيح الكبير له قدره وهيبته وبما انه موضوعي عام مارح اكتب عن تجربتي الشخصيه مع ام زوجي لانه هدفي اني أتناقش مع ام زوج لانه صعب الاقي في الواقع وحده ترد على اسألتي
وفعلاً في بنات من بداية زواجها تدخل حرب لانها تسمع اختها وفلانه وفلانه كنت ضعيفه واستغلوني لاتسوي مثلي وريهم نجوم الظهيره من بدري ووو بس البنات اكتفيت من النقاش معاهم ابغى ام زوج اتناقش معاها بأدب


فليكا مشكوره ع الرد كلامك ذهب

زين ابيها حياك صح مو كلهم سوا لكن بصراحه عندنا سار نادر ماتلاقي ألفه بين اهل الزوج وزوجة والدهم شكراً لك الحمدلله ربي عوضك بالافضل

وفا حياك الله يشفيها ويقومها بالسلامه الصبر من طرف زي القنبله الموقوته تنفجر بعدين في الزوج المسكين وهذا من تجربه الزوجه من حقها تعيش براحه نفسيه وصدقتي الخروج في بيت مستقل يخفف التوتر بين الزوجه والحماه

ميما حياك صدقيني لو فكرتي في سعادة ولدك بدل ماتفكري في انه وحده ثانيه اخذته وانه بيتغير عليك وانه بتخف زياراته كان ماتضايقتي
لو فكرتي انه بيكون اسره مثلك وبيجيه اطفال وبتنبسطي فيهم كان راح الخوف من الزوجه