فهمت الموضوع الان ...

والله اقولك هي من قلبي كنصيحه لا تجرحها ابدا في حاجات زي كدا والله الجرح الي مثل هدا مايروح ولا يتنسي حتى لو كان بلحظة غضب ..
الشي الثاني لاتقول مالي دخل .. صدقني لو وقفت معاها وخففت عنها وساعدتها ماراح تنسالك هيا طوول عمرها وانا اقولك طول عمرها ..
انت زوجها يعني انت شريكها في دي الحياه شاركها في همومها ومشاكلها مهما تعبت معاها لانك شريكها مو بس بالجسد ..

انا عندي ولد من طليقي وبعد زواجي من رجل اخر حصلت مشاكل وتعبت نفسيا وكنت بس ابكي لما افتكر ولدي وكانت نفسيتي جدا سيئه واشتاقله والله احساس الام صعب .. وكنت اتنرفز وابكي واخذت بعض الملابس القديمه له عندي وصوره كانت ايام سيئه ..

كانت حياتي مع زوجي حلوه بس هدا الشي كان معكرها
لكن والله وقف معايا وقفه ما انساها طول عمري ماقال مالي دخل وهذي مشاكلكم .. رحت لعدة محامين ورفعت قضيه على طليقي عشان اخذ زيارة ولدي وكان هو معايا من محامي لمحامي ويوم الجلسه في المحكمه هو الي راح معايا وتكلم مع القاضي وكان واقف معايا لاخر لحظه الين استلمت الصك .. وولا مرا حسسني انه متضايق مع اني كنت خجلانه واقوله ادري دخلتك في مشاكلي الخاصه ..
لكن كان رده ليا : لو ماتزوجتك ماكنت مريتي بهذه المشاكل ولاكنتي انحرمتي من ولدك ولازم اكون معاكي ..
حتى مبلغ المحامي اقترح انو هو الي يدفعها لكن انا رفضت ..

والان طليقي يجي بيتي بنفسه ويجيب الولد ويسلم على زوجي ويديه الولد واي شي جديد الاتفاق والتفاهم بينهم .. >> طول ما انت راضي ومقتنع وتحب زوجتك راح تشوف ان الي تسويه لها شي تستاهله

لكن الى الان ما انساها كل ما اشوف ولدي افتكر انه هو الي وقف معايا وادعيله ..

كل ما تضايقت كلمه حلوه منك تصبرها وحضن يحسسها بالأمان راح ترتاح وقتها وتهدأ
وتصبر ..
واقترح عليها موضوع الزياره اذا ماكانت تشوفهم .. وممكن تسعى للحضانه الان المحاكم صارو مع الام اكثر .. اوقف معاها وقفففة تخليها ماتنساها لك طول عمرها ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك