رد: لم ادخل على زوجتي منذ 4 شه
معاك حق الأمر يضايق ! عيب ان تخبر اهلها
المفروض انها تتعلم شلون تحافظ على خصوصيات بيتها!
بخصوص الطبخ باقول لك تجربتي...
تزوجت مرتين .. المرة الأولى ما اعرف من الطبخ غير البيض المقلي
أما البيض " المفيوح " أو ما اعرف شتسمونه اللي تحط البيضة في ماي مغلي
كنت ما اعرف شكثر اخليها ولا اعرف اسوي شاي
واذا ابي اسوي مقالي مثل البرقر كنت اوقف بنص المطبخ واقط البرقر اخاف احترق
مع ذلك كنت احاول بحدود ميسرة ... و طليقي كان عادي لان اساسا نتغدى مع اهله
زواجي الحالي .. همن تزوجت وانه مو ماهرة
بل ان اعرف اسوي خفايف مثل المعكرونات بس ما اعرف اسوي عيوش و مچابيس
مع ان قبل لا اتزوج بشهر دشيت المطبخ وقعدت اشوف الطرق و چذي
واول طبخة سويتها لزوجي يمكن عقب اسبوعين او 3 من الزواج
وكان عبارة عن مچبوس ربيان..
كان لييييين كأنه عصيدة اما لونه ف بقدرة قادر صار كأنه مندي!
مع ان احنا لون المچبوس عندنا اصفر!
اما الطعم فكان بدون ولا ذرة ملح.. ويومها قمت اصيح وابچي ومستحية من ريلي
وهو ياكل ويقول لا بالعكس ترى حلو وما كسر بخاطري
وبعدها في طرف اسبوعين اتقنت طبخات وايد
والحين صار لي سنتين متزوجة واتكفل بعزايم زوجي من الألف للياء لخمسين شخص
قلت لك تجربتي .. عشان اوريك مو انت الوحيد
لكن لازم يكون هي أيضاً عندها حماس للأمر ..
وبتشوفها تتحمس بعد ان شاء الله بعد أول طبخة
يمكن البعض يختلف معاي .. لكن خدمة الزوج فيها نوع من اللذة والمتعة اذا الزوج يقدر
حتى لو الغسيل والكوي والطبخ متعبين
لكن فيه احساس جميل إن الوحدة منا تسوي كل هالاشياء عشان راحة زوجها
نوع من رد الجميل على تعبه في الشغل .. و جهده في اسعادها
اخوي رامي .. كون حازم معاها بس بلطف مو بوجه عابس
قول لها بالحرف الواحد ما راح اصبر وايد
وان شاء الله خير
__________________
حاجة الناس إليكم من نعم الله عليكم ، فـ لا تملوا النِعم ☁✨