المشاركة الأصلية كتبت بواسطة mimomea

اخي الكريم اول شي الف مبروك وربي يتمملك على خير
ويرزقك السعادة دنيا وآخرة
ممكن رأيي بيختلف عن الآخرين
اذا زوجتك اول مرة بتسافر الافضل مع ابن عمك وهم بنفس الوقت اقارب يعني ممكن بتضيع لوحدها او يصير معها شي فهيك بيكون الها سند ومساعد وهو قريبها
وابن عمك مسافر لزوجته فليش بدنا نحط افكار سلبية
يعني شو رح يصير بيوم واحد سفر اللي بخاف ربه وعنده وازع ديني رح يخاف على عرضه وحتى على عرض اي اخت غريبة

واللي بدو يخاف من شي ما يخلي زوجته تسافر لوحدها
لانو بالطيارة رح تجلس ربما بجانب رجل اجنبي وتضطر تسأله اي شي وتحكيه
وممكن كمان وقت الانتظار تضطر تسأل
وبالنسبة لي ابن عمي او قريبي بيحافظ عليي اكتر من نفسي
وانا اول ما سافرت طلعت لوحدي لانو بالوقت اللي اخدت فيه الفيزا كان زوجي ممنوع ياخد اجازة
وطلعت اول شي على بلد غير بلد زوجي وكانت اول مرة بسافر ومن مطار بلدي حاولت اتعرف على اي شخص ليدلني عالمكان لاني اول مرة بدخل مطار
وبالفعل طلبت من شخص المساعدة ولاحظ عليي الخوف ورافقني لوقت وصلت ولقيت زوجي منتظرني .لا هو اتخطى حدوده ولا انا اتخطيت حدودي
ليش ما بنحسن الظن اول شي
ليش بدو يروح فكرنا لبعيد
وخاصة بتفرق اذا مجتمعك فيه اختلاط او لا
اذا فيه يعني احتمال يصير في مناسبات وتحكي ابن عمها بسفر او غير سفر
لازم نكون واثقين بالاشخاص اللي رح نرتبط فيهن
لانو اللي بدو يعصي ربه رح يعصيه ان كان بالخفاء او امام العالم

ولمجرد طرحك هالسؤال كان المفروض تجيب زوجتك بس بما انو لم الشمل احتمال ما تقدر تنزل على بلدك الله اعلم حسب اوراقك
لو كانوا مسافرين على سياحة ببلد مش موجود فيه او خلوة من اي شخص ثالث بنقول بس بالمطار الناس رايحة جاية
اما هيي طالعة لعندك وهو طالع لعند زوجته فشو هالخلوة اللي رح تصير
وبأيام المدرسة والجامعة كنا على مدار السنة نختلط بزملائنا واساتذتنا بعمرنا ما فكرنا بالغلط ولا سمحنا لهالشي
وممكن غيرنا فكر او وقع
كرمال هيك الشيطان بيكون التالت وقت يكون الشخص عنده قابلية انو يضعف او يكون تفكيره مهيئ لهالشي
اما غير هيك لو حطوا امراة بين عشر رجال ما بيأثر عليها اي واحد


الدنيا بعد فيها خير كتير
احترامي