عزيزتي ابتسامة ورد حاسين فيك وعارفين انو التعلق بالشخص مش بالايد بس كمان عنا عقل ومنطق لازم نستخدمهن لنوصل لحقنا
كم مرة اتصلتي وهو شاف الرقم وما رد فليش عم تكرري هالشي
بالنسبة الو عم يشوف انك غلطانة وتكرار اتصالك لاستعطافه وهو عم يعاقبك وخاصة انك بخلال احد اتصالاتك خبرتيه عن ابنكم بس ما رد
اما بالنسبة الك عارفة انو حقوقك ناقصة وما عم يعطيك حقك ولا عم يعدل وبيطنشك واذا وعد بيخلف
طيب ليش الاتصال ما دام بدك تاخدي حقك
مستحيل يعطيك حقك او يسمع منك ما دام اتصالاتك بتعني بالنسبة الو انك انت الغلطانة
ما عم تقدري تنطشيه ليحس انه عم يخسرك بسبب قلة عدله وتقصيره معك
او ليحاسب نفسه على تصرفاته معك
اذا هالشي كرمال اطفالك فانت عم تعملي العكس
لانو بكل اتصال ما عم يرد عم تتأذى نفسيتك وتتلف اعصابك
ولا سمح الله هالشي مع الوقت بيطلع بصحتك
هون بتكوني أذيتي اطفالك وقت يشوفوا امهم عم تعاني
حبيبتي بدك حقك اتركي العاطفة وحطي نقاط ونفذيهن
ولو هالشي صعب على نفسك بس لمصلحة الجميع
زوجك رجل راشد وبيعرف حق اطفاله عليه
اذا من نفسه ما اعطاهن من وقته ما رح تقدري بهالطريقة
لانو عارفك وحافظ كل مخاوفك وتعلقك فيه
وهيك عم يستغل نقطة ضعفك

بعرف كلامي قاسي وبعتذر بس من قهري عليك عم شوفك كيف عم تدمري نفسك من دون ما تحسي
عيشي حياتك كرمال اطفالك ووقت بدو يجي زوجك من نفسه استغلي الوقت واسعدي نفسك بوجوده
ووقت بدو يروح خليه يروح
لانو اذا ظلم ربنا بياخدلك بحقك وخاصة انك جربتي كل الطرق معه وما نفع
دعواتي ترافقك ⚘⚘⚘⚘⚘⚘

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه