حبيبتي لوفتي البارحة ما سجلت دخول لإنشغالي بس ما نسيتك ودايما ببالي
وكلامي هلئ مش مجاملة بل بشوفه قليل لأعطيك حقك

بصبرك وتحملك على الاذى مش معناته ضعف بل قوة وقوة كبيرة كمان
وقت شوف ام اتحملت اللي ما بينحمل وضلت تقاوم كرمال ما ينهدم البيت وكل تفكيرها بأطفالها
ولتستنفد كل طاقتها هون مش اي ام ولا اي امرأة
كنت تحكي عن الجهاد بالحياة الزوجية بس ما اتخايلت هالقد في نوعية من الجهاد

وأجرك عند رب العالمين وحقك ما رح يضيع والعوض القادم افضل واجمل بإذن الله
ومن بعد ما عرفت انو في طلقتين كنت بتمنى لو من اول طلقة مع الضرب المؤذي كان ما تتعاملي مع الموضوع بوعود منه بل كان لازم يتعامل معه اخوانك وانو اللي بيضرب اختهن مرة رح ينضرب عشر مرات
وكان المفروض يتهدد من بعد ما ينعطى فرصة انو ان فكر يمد ايده رح يلاقي رجال قدامه
انا ضد تدخل الاهل بشكل كبير
بس وقت توصل للضرب وبشكل مؤذي وممكن توصل للاعاقة او الموت غير الاذى الجسدي والنفسي للمراة وللأطفال بشكل خاص
هون المفروض ما تنحل بوعود وكلام وترضية بل بنفس الطريقة ويجرب يعيش اللي عاشه الشخص المتأذي
بعدك حبيبتي بأول عمرك وبنت 28 وعندها تلات اطفال اللي هني الكنز الوحيد من هالزواج
بشوف انك محظوظة تبلشي حياتك وتنطلقي وانت بعز شبابك
انت فخر لكل شخص عرفك ولكل شخص سمع من حكمتك وفخر لأولادك لانهم رح يعرفوا ئديش اتحملتي لأجلهم
الله يحمي البطن اللي جابتك ويطول بعمر اهلك اللي ربوكي نعم التربية
انا متأكدة انو زوجك بيعرف قيمتك وانك بنت اصول وبيعرف الأذى اللي سببلك ياه بس اتمادى لانو عنده افكار مغلوطة وماشي عليها
غير انو ما حدا وقفه عند حده وردله الصاع صاعين
بس للأسف رح يفيق ويعرف مدى خسارته الك بسبب ظلمه بوقت كتير متأخر من بعد ما عاد ينفع الندم
اكبر عذاب الو هو الندم والتحسر على فقدانك وخاصة ان تم الخلع وما عاد في امل للعودة مرة تانية
عم اتخايل الشعور اللي رح يعيشه بس يفيق من صدمته وينحط قدام الأمر الواقع
من بعد ما كان مفكر انو هو الصح وبالاخر بيشوف حاله عم يدفع نتيجة اعماله وانهدم بيته بسبب ما اقترفت يداه
كنت بتمنى يصحى على حاله من زمان ويعرف حجم الخسارة اللي رح يخسرها وهو عارف قيمتك بس للأسف ما عرف يحافظ عليك
ما الي الا ادعيلك انو ربنا يقدملك كل الخير ويعوضك عن كل شي راح
ويصير كل اللي عشتيه مجرد شي من الماضي ومع الوقت بيبقى ذكرى من دون أثر

ربي يحفظك ويحفظ اولادك ويسعدكن دنيا وآخرة
دعواتي ترافقك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه