طيب عزيزتي ابتسامة ما دام عنده بيت بأربع ادوار خليه يعطيكن دور وهيك بيصير قريب منكن جميعا
وبالنسبة للمال ما عاد تعرضي عليه ولا ريال اصرفيهن على نفسك واولادك انتوا احق فيهن
وما عاد تطلبي اهتمام لانك حكيتي كتير فخليه يجي من نفسه وخاصة في فرق عمر كبير بيناتكن المفروض يدلعك ويهتم فيك اكتر
بس الظاهر شايف انك بتضلك تذكريه بالعدل وهو بعمر بيعرف مزبوط واجباته وحقوقه
بس عن قصد ما عم يعدل
جربي قللي السؤال والالحاح ولا تضلك وراه ليعدل
واعطي حالك مهلة 6 اشهر اعتبريه مسافر او منفصلين
وعيشي لنفسك ولاولادك مجرد تجربة
وشوفي هل رح يضل ماشي على نفس البرنامج
او رح يفتقد سؤالك واهتمامك ومطالبتك بالعدل
جربي تحسسيه انك مش خايفة من الطلاق ولا عاد بدك تطلبي منو شي
وبس يجي لعندك كوني المراة اللي بتحب نفسها وبتدلعها واللي بتسعدها وبتنشر السعادة لكل اللي حولها
وفي حال سألك ليش ما عدتي سألتي جاوبيه وانت وعم تبتسمي وببرودة اعصاب انو انت انسان واعي وبعمر بيعرف شو الو وشو عليه وعند ربنا ما بضيع حق اي مخلوق
وخبريه اذا انت ما عدلت من نفسك وخفت من رب العالمين
مين بكون انا لعلمك العدل( هالكلام فقط في حال هو سألك )


ما عاد تحرقي بأعصابك وما في شي عم يتغير
ما حدا عم يتعب الا انت ولا سمح الله بتوصلي لمرحلة بتنفجري فيها
وبالاخر بتتأذى صحتك وكرمال مين
بعرف صعب تشوفي حقك ضايع بس المشكلة انو ما في حل الا من نفسه
لانو عم ينفذ اللي براسه وبس
لا كلامك نفع ولا كلام الوالد معو نفع
واذا بدك تدخلي اخوانك بدك تحطي كل الاحتمالات وتكوني جاهزة لكل النتائج
عليك الدعاء وحده رب العالمين اللي قادر يسخرلك زوجك ويخليه يعدل
الافضل تشغلي نفسك بعمل يعطيك دخل تغطي مصاريفك ومصاريف اولادك وتدلعوا نفسكم وبنفس الوقت تلهي نفسك وتملي وقتك
الله يفرج همك ويبدل حالك لافضل حال
دعواتي ترافقك ⚘⚘⚘⚘

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه