هلئ فهمت عليكي حبيبتي meemaa المشكلة ضيقة الوقت
طيب بما انكم بس شخصين بالبيت بشوف انو من ال5 لل9 كتير لشغل البيت وتحضير الغداء بشكل يومي

ممكن تقسمي الايام مثلا النهار اللي بدك تطبخي فيه قطعي سلطة ليومين واحفظيهن ومثلا اذا عملتي رز على دجاج قسمي الدجاج لليوم الاول مع الرز واليوم التاني سندويشات ونظفي البيت بنفس اليوم

تاني يوم بيكون الاكل جاهز من قبل بيوم والبيت نظيف
فبتجي من الشغل بتصلوا وبتاكلوا وبترتاحوا ساعتين وبعدين اخرجوا ساعتين اتمشوا او اجلسوا بمكان االبحر او بحديقة او باستراحة تشربوا عصائر
وهيك بترجعوا بنفس الوقت اللي بتكوني خالصة فيه شغل البيت لو ما اتعبتي جدول ومشيتي عليه

ومرة التانية اللي ما بيكون في شغل بيت وما بدكن تخرجوا ارتاحوا وبعدين اسهروا بالبيت واعملوا جو كأصدقاء وخلوه مزح والعاب فيها تحدي كسرعة الاجابة والجرأة وشوفي الجو كيف رح يكون
وكمان فيكي تعملي مقلب مضحك مش مقلب يقلب لكارثة
يعني الوقت اللي ما بتضهروا فيه وما في شغل بيت اخترعي شي مفاجأة تخلي الواحد ينشحن بطاقة وحيوية


يعني حاولي تعملي اكل سريع وصحي وما بياخد وقت ولمدة يومين تلاتة
ونفس الشي شغل البيت كل يومين تلاتة

ويوم اجتمعوا مع العائلة واتغدوا او اتعشوا عندهم هالشي بيخليكي تاخدي اجازة من المطبخ ومن شغل البيت
صدقيني بعدين مع الطفل ما بتعودي تلاقي وقت اول فترة

اهم شي حاولوا البيت يضل مرتب قبل النوم وبالاسبوع مرة اشتغلي شغل عميق

واي قطعة بتستعملوها رجعوها لمكانها بعد الانتهاء
وساعة بالكتير البيت بيكون مرتب
وبأثناء تحضيرك للطعام بهيدا الوقت استغلي تنظيف المطبخ فهيك بتجهز الطبخة وبنفس الوقت بيكون المطبخ نظيف لانو هو اللي بياخد وقت بالتنظيف
والصالة بربع ساعة بتكون مرتبة



يعني ما تضغطي نفسك كل يوم نفس شغل البيت ونفس جدول تحضير الاكل
اجباري رح توصلي لمرحلة ما عاد عندك طاقة لانو دوامك طويل
وانا ضد هالشي لأي امرأة عاملة وخاصة ان كانت متزوجة
بفضل تبحث عن وظيفة بدوام مقبول جدا اذا كان هالشي متوفر
يعني صديقتي معلمة عالساعة وحدة ونص بتكون بالبيت فعندها وقت منيح لنفسها ولاولادها ولزوجها

والمضطرة لدوام طويل لازم تحط جدول وتنظم وقتها ليكون عندها وقت الها

انا مش موظفة عندي يومين بالاسبوع راحة من عملان الاكل وتنظيف البيت
العمر بيخلص والشغل ما بيخلص

لازم نوجد وقت النا كمتزوجات نعيش كانو عازبات ومش حاملين مسؤولية
ونفس الشي المفروض ننوع بعلاقتنا مع ازواجنا يعني مرات عشاق مرات ازواج مرات اصدقاء مرات مجرد معارف كل واحد الو مساحته
هون الروتين ما بيدوم والعلاقة بتجدد من دون ما نحس
هالشي ما بدو جهد ولا صعب بس بدو نحط هدف ونطبقه

الروتين بأي شي بنقوم فيه اذا تكرر كل يوم وتسلل لحياتنا بيأثر على نفسيتنا وبيتعبها
لازم نشد ونرخي

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه