حبيبتي يا اشراقة هيدا العقل اللي بيضل متل شريط بقلب مكنة وشغال انا بعاني منو وكتير متعب
مرات بتمنى انو يكون في زر تشغيل اون اوف واضغط ووقف تفكير وحسابات وكتير امور
زوجي بيخوت مني بيقلي انا ما بقدر كون متلك
لانو بالفعل هالشي متعب لانك بالظاهر بتكوني عم تتحركي ونشيطة وعم تضحكي بعني شعلة من الحيوية بس هيدا التفكير المستمر هو العائق اللي ما بيخليكي مرتاحة متل ما بدك


اما بالنسبة للأكل بعتقد اكتئاب وخاصة مع تركك للعربة هيدا اكبر دليل
اذا صرلك فترة اكثر من اسبوعين استشيري طبيبة كرمال ما تتأزم حالتك وتشوفي حالك دبلتي وممكن نقص فيتامين د
وعنجد شعور صعب وقت الواحد يقول انا ومش انا

مرات بمر بحالة الكآبة بس ما بتتخطى اسبوع وبالفعل ما بكون الي خلق احكي او اضهر او اعمل اكل او نظف البيت
بس دوائي اني اجلس بمكان هادئ واسهر الليل واقرأ شي رواية وبصير مزاجي عال العال
يعني بالمختصر المفيد روح لعالم بعيد عن عالم الواقع
بس بهيدي المرحلة ما بحب حدا يقرب صوبي


ما تهملي حالك حبيبتي وخاصة بالتراكمات لانها متل البركان الخامد وبس ينفجر ببتشوفي اثاره بالجسم لا سمح الله
وشخصيتك متل شخصيتي بنحب الحياة والحيوية فيها وبنحب نجيب السعادة بإيدنا لو ما إجت من نفسها
كرمال هيك وقت نمر بمرحلة ونحس انو نحن مش نحن
هيدا الحال ما بيعجبنا وبيتعبنا



ان شاءالله سحابة صيف وبتروح وبترجعي كلك اشراقة وحيوية وشعلة من النشاط
انا بتمنى اني اقطع الاكل فترة لانو كتير بيضحكوا عليي مع اني ما باكل بكميات كبيرة ولا كل انواع الاكل بس بحس انو الاكل اللي بحبه بيعملي سعادة 😊😊😊😊
واذا ما اكلته بكتئب 😓😓😓😓😓


دعواتي ترافقك حبيبتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه