السلام عليكم ورحمة الله وبركاته

بصراحه انا هاذي اول مشاركه لي

وصدف انه كان هذا اول موضوع ادخله وحرد عليه

بصراحة الموضوع لذيذ جدا

الموضوع يعتمد على طبع كل واحد من الزوجيين

يعني مثلا ممكن الزوج او الزوجة يكونوا من الاشخاص الي يتعكر مزاجهم من التنغيص في النوم وتلقى اي واحد منهم اذا صحى الثاني حتى لو كان امر مهم وجاد وخطير يتنرفز ويعصب ويتأفف .

وممكن العكس تلقى بعضهم لمجرد انه يفتح عينه ويلقى شريك عمره نايم جمبه ويدلعه ويصحيه بطريقة لطيفة وغزليه حتلاقي الابتسامه ايش طولها وايش عرضها وهديك القبلة اللطيفة على الجبين او على اليد حتكون طعمة وعاد الباقي معروف ما يحتاج له شرح .

لكن نجي للي بمزاجين يعني تلاقي مثلا الزوجه أو الزوج من النوع الي يكون لطيف واخر بسطه لما يكون مع زوجته وتكون الممارسة بتكتيك مسبق وكل واحد مصحصح ومروق لكن لما ينامو تنقلب الموازين في بعض الناس وقت النوم ما يعرفو احد .


بس بصراحة حكاية انه الزوج يمارس مع زوجته وهي نائمة مهي واعيه احسها اكبر انانيه منه وكما فيها ظلم للزوجه ولحقها في المتعة

وبعدين نفسي افهم كيف هو حينبسط ومو لاقي اي تجاوب من زوجته لا لالهمس ولا باللمس ولا بالكلام غريبة والله انتو معشر الرجال

يوم تشتكو من الحرمه اذا ماكانت متجاوبه ومتفاعله ويوم تشتكو من برودها ويوم تشتكو منها نايمه اجل كيف تعاشرها يا سيد وهي نايمه عجيبه والله. في قمة الانانية وانا ما اعتبرها رجوله هادي .

صحيها وساسيها حبه ودلعها برواقة وان شاء الله الزوجه العاقلة الواعية الفاهمة تلبي رغبة زوجها بكل صدر رحب خاصة اذا لقيت الدلع احنا صنف الإناث يجننا الدلع والدلع والدلع
وانت زوجتك ابخص فيها تعرف ايش يسليها وايش يعجبها وايش يخليها زي الحلاوة في يدك وبعدها سوي ما بدا لك حتكون طائعة ومستجيبة بلا تأفف يعتمد عليك يا رجال


ـــــــــــــــــــــــــ

أما بالنسبة لزوجة الغلبانه اذا حبكت في راسها وتبغى تصحي زوجها الله يعينها جينا للطامة
لانه الزوجه لازم تلبي رغبة زوجها مهما كان والا اتلعنت من الملائكة ويقعد لاوي بوزه شبرين لحد ما يروق باله .
لكن هي لا لو طنشها ونام وفي ستين دهية ما يتلعن بس يؤثم وما يحقلها تزعل منه .
نصيحتي انه لازم الزوجه تراعي حالة زوجها النفسية والجسديه يمكن يا عيني يكون مهدود من الشغل او في شي معكر مزاجه معليش حتقولي ايش معنى انا ما يفكر في تعبانه ومهدود حيلي ومعكر مزاجي اقلك يا اختي في الله انه انتي المرأة ولازم تكوني سكن وراحة لزوجك في كل الاحوال وتأكدي انك مثابة


بس اذا مره مره يعني الا وراسك تصحيه فالله يعينه صحيه بس حاولي تكوني لطيفة ومداعبه وحنونه ورومانسيه ولا تنسي اهم شي تكوني >>>>>> جذااابه وجهزتي كل ما حباك ربنا بيه من وسائل الاغراء عشان ما يكون عنده مجال للرفض او انه يغمض عيونه تاني .

والله يعينك بعدها انتي الي جبتيه لنفسك .

طولت عليكم بس ان شاء الله نتجوز ونجرب ونشوف ايش حيصير

مع السلامة