كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: أفكر في فسخ الخطبه بسبب جرأة خطيبتي
اخي الكريم ما دام عقلك اتشبع من قصص صديقك رح تشك بكل فتاة عند مبادرتها بأي كلمة وبأي حركة
وهالشي رح يتعبك كتير ويتعب الشريك معك
بعمرها الجرأة ما كانت دليل على عفة او عدم عفة الفتاة
والعكس كذلك
انا بنتي عمرها سبع سنوات بحكي معها عن امور اذا بتسمعها رح توصفها بالجرأة
حتى مشيتها بالبيت ودلعها وحركاتها بتقول انها بتعلم وحدة اكبر منها مع انها بتخجل كتير من بعض الناس ولو كانوا نساء
وجريئة مع البعض الاخر اللي على معرفة معهم
وابوها شايف حالو فيها وبيقلي لازم تكون هيك ليشوفها زوجها بنساء العالم كلو بس الله يكتبلها نصيبها
مع انو بتعرف حدودها وقت الجد وبتعرف من هلئ الحلال والحرام ببعض المسائل وكتير بتسألني
و انا عايشة ببلد اوروبي وبنتي بتشوف اشيا بعيونها عالطرقات بالمدارس فأكيد لازم وعيها حسب عمرها واذا ما كنت جريئة معها ما رح اقدر وصلها النصيحة بالوضوح المطلوب
وبس تكبر اذا الله اعطانا عمر اكيد رح وعيها وعلمها اكتر
والنت صار كأنك عايش بين كل العالم ومن مختلف الاجناس والجنسيات والثقافات
يعني المعلومات بتتلقاها وانت قاعد بالبيت
اول مرة خطبت فيها كان عمري 17 كنت كتير خجولة وما كان في نت ولا فضائيات بوقتها
وقبلها بسنة بعنس بعمر ال16 كنت اتصور بملابس مش محتشمة عند مصورة كنت روح مع عمتي المخطوبة وهيي اللي تعطيني الثياب
ووقت خطبت كنت اخجل من خطيبي ماما هيي اللي اعطته صوري ليحتفظ فيهن مع انو كانت توعيني بس بنفس الوقت تخجل تشرح اكتر
ووقت تركنا كنت حس حالي غلط من خجلي
فبس خطبت مرة تانية اول فترة كنت خجولة بس بعدين كليا اتغيرت لوحدة تانية
مع انو لحد الان عندي حياء من ناس اما المعارف قمة الجرأة
يعني خطيبتك بتعرف شو يعني بعثة بدول الخارج وشو يعني فتنة واكيد بتكون اتثقفت وسألت
وانا زوجي بلسانه خبرني اول ما خطبنا انو بحب الفتاة اللي بتكون جريئة مع زوجها وخجولة لحد ما مع الناس
فشخصية الفتاة بتختلف من وحدة للتانية وممكن الوحدة تكون خجولة وبمجتمع منفتح وتبقى كل عمرها وما تعرف تكون علاقات اجتماعية ولا تتقرب من زوجها بسبب الخجل والحياء
وممكن وحدة تكون العكس تماما مع انها بعمرها ما كلمت شخص غير محارمها
يعني مش قاعدة اللي تصرفته خطيبتك يخليك تشك
بل سماعك لقصص صديقك هني اللي زرعوا فيك كمية هالشك
اخي الكريم ما توسوس كتير وخلي الثقة تكون متبادلة
احترامي
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه