طيب ايش المشكله في الموضوع ؟؟
انت قلت انها حامل وفي فترة وحام ؟؟؟؟ حامل مريضه تغيير هرمونات وفي النفسيه عشان ابنك الي بيجي ع الدينا بعد كم شهر ...
يعني مريييييييضه يعني تعبببااااانه
المفروض تتقبل منها اي تصرف بكل صدر رحب ..

ترا انتو ماتحسو بالي احنا نحسو في الوحام ..
ترا الوحام مو شي سهل ..
مو عشان توحمت وماتقدر تتحملك تقوم تفكر بالطلاق .. ما اعتقد انك انسان صغير ..
واتوقع انك عارف وفاهم ايش يعني حمل وولاده وبالذات الوحام شي فضيييع عند بعض النساء..
الهرمونات عندها بتتغير .. وفي ناس بيكون عندهم اقوى من كدا وزوجها بيتحملها ..
ايش الي ناقصك عشان ماتتحمل فترة حمل زوجتك وتغيراتها النفسيه ؟؟؟؟؟؟؟

اديها على قد عقلها .. هي مريضه والنفسيه سيئه .. بمجرد ماينتهي الوحام يرجع كل شي طبيعي
مثل المرض النفسي ..
خليها مع اهلها طالما مريضه .. شايف انها متوحمه عليك ومو طايقتك ابعد عنها وتقرب بين فره وفتره خليها ترتاح .. مو تقولها انا كمان بطلق وتزيد نفسيتها ..

الله يهديييييك

__________________
لاتسعى لتصحيح ظن احد بك ££ خالقك ينظر لقلبك وهذا يكفيك