اخي الكريم ربي يهنيك ويسعدك دنيا وآخرة
لا تكبر الموضوع ومتل غيري بقول حسسها بالأمان بس اهم شي تكون الثقة بيناتكم كبيرة
وخاصة بموضوعك السابق وقت كتبت من ضمن مواصفاتها انها راكدة وثقيلة فالمفروض اكيد رح تتفهم انك ما بتحب الغيرة الزائدة او التفكير بأمور غيبية
واهم شي اجلسوا جلسات تفاهم واحكوا عن اللي بيزعجك واللي بيزعجها وحطوا النقاط عالحروف
وطبعا حلوة الغيرة بس بمحلها لانو ان زادت عن حدها ما عادت غيرة ولا عاد حب بل اشبه بحب التملك اللي بيتعب صاحبه كتير واللي بيخنق الطرف الثاني
وهيك الاثنين بيتدمروا وبدل كا يصير الحب نعمة بيصير نقمة
كرمال هيك التفاهم الان بوقته واحتويها واتفهمها وبالمقابل هيي نفس الشي
لتنجح الحياة الزوجية لازم يكون التبادل من الطرفين
وان شاءالله يكون اندفاع وما يكون غيرة او افكار تسبب لها وجع الراس من فكرة امرأة ثانية
سلفي اخو زوجي سبق وخطب امراة مطلقة وكانت شديدة الغيرة من حبها له حسب كلامها
وصارت مشاكل بسببها وحكيوا معها اشخاص كتير واتدخلوا لتخفف من غيرتها وللاسف بعد زواج شهر اتطلقوا لانو غيرتها دمرتها وخنقت طليقها ووصلت لشك بأي امرأة بيصادفها او بيعرفها

اسأل الله ان يتمم لك كل الخير وان تكون لك نعم الزوجة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه