أنت غيرت محور الموضوع وأنا رديت عليك..ولما سألتك سؤال محدد إنت اتجاوزته..
اتشعبت في ردك وتقارن بين الموظفة وربة البيت مدري ليش إلا تبغى تقنعني إني مقصرة لأني موظفة وإني ممكن ما أكون شايفة حسنات زوجي وإنه فعل وفعل وفعل عشاني وممكن يكون عطاؤه أكثر من عطائي وووو ...... الخ بس أنا مو شايفة ولا مقدرة..

يا أخي أنا ماجيت كتبت هنا إلا بعد معاناة مُرّة شديدة ماجيت نَمَّقْت الحروف عشان تصفقوا لي والله سويتِ وسويتِ وسويتِ ومحد يسوي اللي إنت سويتيه ولا أحد يقدم اللي قدمتيه..

أنا ماقلت لكم إني فعلت وفعلت عشان ماتتهموني حنانة ومنانة.. مع ذلك أول رد جاني منك إني منانة..

وضحت لكم الصورة وأعطيتكم الزبدة أبغاكم توجهوني للوجهة الصحيحة لأني تعبت نفسياً من زوجي ومن نكرانه وجحوده.. وما أبغى حياتي تستمر للأسوأ...

قايمة بواجباتي المادية والمعنوية على أكمل وجه.. وبشهادة زوجي نفسه..
ومابيننا أولاد ولا بنات يشغلوني عنه.. عندي بنت واحدة من زواج سابق وهي ماشاء الله كبيرة شايلة نفسها مو مشغولة بيها عنه..

أصلاً مافي شي يشغلني عنه وعن البيت غير شغل المدرسة وحتى شغل المدرسة ثلاث أرباعه أنجزه بحصص الفراغ.. وهو يجيني قرب المغرب من الدوام.. يعني خلصت شغل وطبخ ومتبخرة ومتعطرة كل يوم زي العروس أنتظره..
وتجيني شغالة تنظف لي البيت مرتين في الأسبوع..

حياتي بتوفيق من الله من أحسن مايكون..لكن ماقدرت أعالج -- والجحود اللي متأصل في زوجي..

عموماً موضوعي واضح يخص التقاعد.. لكني بجاوب على مداخلاتكم عشان تجاوبوا علي والرؤية تكون واضحة لكم..
مع العلم زوجي ماعنده راتب تقاعدي...