السلام عليكم ورحمة الله

ايش الحل مع الزوج اللي مهما
سويت يقول..
انت ما تقدرين انت قليلة أصل
إنت قليلة تربية وانا عايش معاك بس
حسن للعشرة !

اخر مشكلة هو كالعادة بيسافر بالإجازة
برى مع زميله !
وقالي اختاري بوديك مكة
كم يوم تبغينها قبل اروح ولا بعد

قلت انت بتاخذ الأسبوع كامل قال ايوه
قلت انا حامل وشغله السفر السريع سريع
ما تنفع معاي
ليه ما تقلل سفرتك مع زميلك اقسم الإجازة
بيننا
احنا حتى العيد ما فرحنا فيه ولا اشترينا
ولا رحنا ولا جينا
وهو عارف ذَا الشي

لكن عينكم ما تشوف الا النور
طار فيني انت كيف تتجرأين تقولين كذا
يا قليلة الأدب ياللي ما تقدرين
انا اتعب عشانكم وتعذبت خلاص بطلع
أغير جو
والاكل اللي تاكلينه هذا دين تدينته
عشان ما اصغر بعينك
وبيجي يوم تذكرين هذا الأكل !!!
يمن علي حتى بالأكل الضروري اللي يجيبه ؟
وانا كلمتي له من تزوجته
لا تشيل هم يمشينا اي شي

طيب حتى انا تحملت معاك الظروف
اذا هو يجيب الاكل زي اي زوج بالدنيا
انا اطبخه وأنظف واغسل و اربي وأسهر
على راحته وراحة بيته واطفاله !

ليه لما طلبت يقلل الايام عشان استمتع
بالإجازة

ولا خلاص عندي اكل ومستورة داخل
بيتي ما لي حق اطلع واشوف الخلق ؟
مالي حق أتمشى ؟
بس هو له حق ؟

علما ان دوامه بقرية وانا اغلب الايام
ما اشوف الشمس
اذا طلعت رحت لامي بالويكند ورجعت
ما اثقل عليه بطلبات وخرجات أقول
مضغوط من الدوام

وآخر شي يقول انا اللي اتعب وانت منبطحة
بالبيت !
كان البيت مطل من يمينه ع نهر المسسبي
وعن يساره شلالات النياقرا
وقدامه جبال الالب !

هذا كوم
لكن بكل مرة يكرر علي
انت قليلة تربية انت قليلة أصل
وانه هو صابر ولأنه ولد ناس ما حيطلق

طابت نفسي من المذلة !

ايش اسوي ماني عارفة كيف أفكر


‎‏ المستجدات 72
http://www.66n.com/forums/showpost.p...7&postcount=72