رد: استشارة بخصوص الراتب المناسب للزواج
اقتباس:
المشاركة الأصلية كتبت بواسطة راعي حق
اذا زواجك في الرياض
الزواح المتوسط (يعني لا تبذير ولا بخل) يكلفك ١٥٠,٠٠٠ ريال تقريبا شامل كل شيء من الشوفه الى الشهر الثاني (بعد العسل)
تفصيلها:
٥٠,٠٠٠ مهر بالذهب
٥٠,٠٠٠ تأثيث واجار شقه
٥,٠٠٠ هدايا ومتفرقات
٥,٠٠٠ شبكه
٢٠,٠٠٠ زواج عائلي
٢٠,٠٠٠ شهر عسل في ماليزيا عشر ايام
١٠,٠٠٠ تختفي ماتدري وين 
بعد الزواج
راتبك مناسب جدا ماشاء الله واذا ماعليك قروض راح تقدر تجمع
وممكن تقسمه مبدئيا:
٢٠٠٠ الى ٣٠٠٠ اجار شقه حسب الحي
١٠٠٠ مصروفك (بنزين حلاقه ملابس ...)
١٠٠٠ مصروف زوجتك (سواء تعطيها او تخليه ععندك كميزانيه)
١٥٠٠ مقاضي وتمشيات
٥٠٠ طوارئ (مستشفى - صيانة سياره - عانية زواج - ...)
واحرص على الصدقه
عشان تنظم مصاريفك وتعرف وين تروح الفلوس حمل برنامج (مصاريف) وسجل كل يوم مصاريفك
البرنامج ممتاز وسهل
وفيه دوره ممتاز اسمها (ريالي : الوعي المالي) ممكن تشوفها على اليوتيوب
واهم شي اهم شي اهم شي اختيار البنت الصالحه الطيبه المتفهمه
لو اخطأت الاختيار بتجيك وحده تحوسك ماديا ونفسيا وصحيا
لو تاخذ عشرين دوره ولو راتبك عشرين الف بتحوسك يعني بتحوسك 
مع تمنياتي لك بالتوفيق والسعاده |
كلام جميل جدا..وفعلا إذا كانت البنت قنوعة بغض النظر غنية أم فقيرة ..الغنى غنى النفس ..راح ترتاح وهي تتفهم تقلبات الظروف المادية..الدعاء مهم جدا..ربنا يرزقك الزوجة الصالحة التي تعينك على أمر دينك ودنياك.