كذا المريض النفسي ما يشعر بالم اللي حوله لانه غير مستقر نفسيا ،، انت نفسك مو فاهمتها كيف تفهمي اللي حولك ،، انت قلت زوجك يقول انت مزاجية ،، عيالك يكبروا شويه ويبداوا يشوفوا مزاجية امهم وهذا يسبب لهم اضطراب نفسي ،، مرات امهم سعيدة مرات كئيبة ،، كذا ما يدروا ايش السبب وينتظروا متى تحل عليك لحظات السعادة ويتحاشوك في لحظات الانهيار ،، اطفال صغار تلاقينهم يلوموا نفسهم في نفسيتك ويتوقعوا انه بسبب مشاغبتهم او سلوك بدر منهم ويتعلموا جلد الذات على شيء مالهم ذنب فيه ،، احساس جدا جدا جدا مؤلم لطفل صغير يحاول يفهم تذبذب نفسية امه او ابوه وما يلاقي جواب ويبدا يطلع عيوب نفسه عشان يقنع نفسه بالسبب

رغبتك في الموت تتوقعي ما تظهر ،، ما يحسوا ان عندهم ام تبغى تموت ،، ايش احساس الطفل لما امه تبغى تموت وتتخلى عنه ؟

بالنسبة لامك :

حرمتك من فلوسك يحق لها وهي عارفة انك انت مبذرة وانت اعترفتي بهذا الشيء ،، لدرجة تسلفي زوجة زوجك ؟ لو اعطتيك ارثك من والدك الله يرحمه راح تتركي وظيفتك وتجلسي في البيت وتدهور حالتك النفسية ،، الشغل نوع من العلاج لك لكن انت مو مقتنعة ،، هي ما اخذتها وانكرت نصيبك هي حفظته لك

محددة اماكن تروحي لها من حقها ايضا طالما ذكرتي انك تبغي تموتي وترتاحي وتبغي اولادك يموتوا بعد ولا يتعبوا في هذه الدنيا ،، امك تخاف عليك ومن تهورك ومزاجيتك يودوك في داهية

امك تخاف عليك وجالسه تعالجك واكيد انها متابعة حالتك مع دكتور نفسي ،، امك حريصة وصدقيني حرصها وحبها لك هو اللي ينفعك ويكبح افكارك السوداء ومزاجيتك وتهورك

لو غيرها كان قال كبيرة وعاقله وعندها عيال وزوج وايش دخلني بصحتها ومتابعة حالتها ،، كان سمعتك كلمتين وخلاص ،، تتوقعي امك تستمتع بتحمل مسووليتك ومسووليته متابعة تفاصيل حياتك ؟ ما فيه اي متعة وكل ام تتنتظر اللحظة اللي عيالها يستقلون ويعتمدون على نفسهم عشان هي ترتاح من التفكير فيهم

والله صرتي على بالي ودايما ادعي ان ربي يشفيك ويعافيك ويخلك لعيالك