انا استغرب من اللي تتغرب وتفرط في بيتها وزوجها واولادها عشان شهاده ..
في الاخير ها الشهاده ممكن ما تستفيد منها ابدا وتظل معلقه في زاويه من زوايا البيت ..
واستغرب اكثر من اللي يقولون للرجال اترك وظيفتك والحق زوجتك كأنه هو اللي غلطان .. !!

اخوي كان من المفترض انك تلتزم بقرارك من البدايه ..
هم خالفوا شرط من شروط عقد الزواج .. بس كيف سافرت بدون اخذ الاذن المسبق منك .؟
هل انت وافقت بس بعد ما سافرت حسيت انك تبيها وغيرت رايك وطالبت برجوعها والا كيف صار الموضوع ؟

في النهايه القرار بايدك .. تقدر تلزمها بالرجوع والالتزام بما كان متفق عليه بينكم ..
خل الطلاق الان اخر الحلول ولا تفكر فيه كثير ..
اذا مو عشانكم .. عشان البنت الصغيره ..

خلك على تواصل مع زوجتك وافهم هي شو تبي بالضبط وفهمها انك محتاجها جنبك وما تقدر تصبر عنها
وان بالاساس اتفاقكم كان على الدراسه داخل الدوله مو بعثه خارجيه ..
واضح انها تحبك بس عندها طموح كبير وجاتها الفرصه فما حبت تفرط فيها ..
اللي عزز موقفها وشجعها هم اهلها واهلك لما قلت ان الكل وقف في صفها ..
فصرت من وجهة نظرها انت الغلطان .. !!

تريث قليلا وفكر كثيرا ..
والله يصلح النفوس والعقول ..