روح من الأفضل اخوانك يبتعدون عن التدخل حاليا
عشان لا يسوء الوضع لا سمح الله لو سمعوا من زوجك او ابوه كلام مغلوط أو سيئ عنك
فكري في اي احد له قبول عند الطرفين ..
رجل دين او شخصية اجتماعية معروفة مو شرط يكون من الاقارب لكم..

انا معاك ان فيها صعوبة وإحراج لك انك تبادرين تكلمين اخوك بخصوص الصلح
اخاف يفهمون انك متنازلة تماما عن حقك ، وكأنك تثبتين صحة افتراءات زوجك عليك
ان شاء الله ان نيتك في إصلاح الامر ومحاولة لم الموضوع بدون محكمة ما تضيع عند الله
لكن واضح ان زوجك قاعد يستخدم اسلوب يحاول انه يطلعك انك الغلطانه لوحدك امام أهله
وامام اخوانك ..

روح أكيد ما يخفاكِ ليش زوجك استخدم السناب تحديدا في توصيل رسائله اللي لعبت في حسبتك!

لو حابة تتواصلين معاه خليها يا برسائل نصية ولا حتى واتس او اذا تقدرين تسجلين
المكالمات بينكم حتى تكون إثبات عليه في حال أنكر اي أمر..

الزمي الاستغفار والدعاء واستخيري قبل اي خطوة تعمليها
وتطمني لك رب كريم يدبر امرك بلطفه ورحمته ..

حتى لو استمر الموضوع في المحكمة الامر لله من قبل ومن بعد
وأمر الله كله خير

دعواتي لكِ بالفرج القريب وراحة البال ان شاء الله..

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]