المشاركة الأصلية كتبت بواسطة mimomea

حبيبتي فجر انتظري كلام والدتك ان نفذت كلامها وجربي اذا حياتك اتغيرت بتغير المدرسة والدوام بيكون كتير منيح
اذا حسيتي حالك نفس الشي وما اتغير شي لازم تروحي لعند طبيب او طبيبة لتطلعي من اللي انت فيه
اقل شي جربي ما رح تخسري شي ولا رح يصير اسوء مما انت فيه

اعملي هالشي لنفسك اول شي لانك بتستحقي تحسي بطعم الحياة بحلوها ومرها

وهوايتك ما تتركيها هيي المتنفس الك واللي بتلاقي نفسك فيها

حبيبتي بعرف االي انت فيه مش عاجبك وبقائك بالغرفة هروب من اللي انت فيه
وصدقيني من بعد الله لازم حدا يساعدك لانو اذا هلئ ما عشتي حياتك ايمتا بتعيشيها
ولازم تكوني قوية لانو في مرات بنمر بظروف اصعب وامر من اللي عم نعيشه هلئ
وكمان رح تجي اوقات فرح وسعادة ومن حقك تحسي فيهن وتعيشيهن


وبتعرفي انا ما بحب عيش دايما بهم وكآبة بتمر عليي لحظات بتكون اسوء اللحظات والاوقات بعطيها حقها ببكي بعصب بنقهر وممكن حس انو قلبي ما عاد يتحمل القهر
بس لحظات وبتمر لازم اعمل بعدين اي شي يسعدني ببحث عن اي شي بحبه بمارسه وبطبقه ليضل الامل والتفاؤل مرتبط بحياتي
حاولي حبيبتي واسعي وخطوة خطوة من دون ما تضغطي على حالك

وما تفقدي الامل ما دام عايشين دايما في تغير للاحسن
وربنا رؤوف رحيم
بس لازم يكون عنا ارادة
وماشاءالله عليكي عندك مواهب حلوة استمتعي فيها واستغليها وهيدي نعمة انك تملكي هيك مواهب وهالشي يعني انك محظوظة ماشاءالله تبارك الرحمان
فكري منيح حبيبتي وربنا انعم علينا بالطب ليساعدنا مش لنرفض انو نساعد انفسنا
قد ما احكي وغيري من الاعضاء يحكوا ما رح نفيدك اذا انت ما ساعدتي نفسك واخذتي بنفسك القرار

دعواتي ترافقك