أولاً الله يكون في عونك على زوجك وأعتقد طيبتك وتساهلك معاه هو سبب دلعه عليك فمهو معقول يغلط وانتي تراضينه

هذا اللي يسويه زوجك طبيعي جدا ومعظم الأزواج يسوون مثله لأن الرجل بطبيعته يكون فيه نوع من الغموض ولا يحب أن يشتكي

همومه لأي إمراءة ولو كانت زوجته ......... طيب والحل ؟؟

الحل إذا شفتيه زعلان ومعصب اتركيه لا تكلمينه ولا تحاولين إنك تعرفين اللي مزعله وإذا كان جالس في غرفة لوحده لا تروحين له

خليه جالس لوحده وصدقيني بيجلس حتى يهدأ وبعدها بيرجع لك وتكون نفسيته أفضل .

نرجع لكلامك اللي تقولين فيه إنه يغلط ولا يعتذر ويصر على العناد والظاهر من كلامك أنك ما تحبين يكون هناك توتر طويل بينكم لكن

لا بد أن يكون لك موقف حاسم في بعض المواقف يعني إذا غلط لا تطالبيه بالاعتذار ولكن لا تراضينه وإلا بيتمادى أكثر ولا تكلميه

وأتوقع إن الوضع بيطول بس مهو مشكلة عشان يعرف إنه هو الغلطان ويخفف من حركات الدلع

وزجك هذا من النوع الصعب التعامل معاه لكن صدقيني بمرور الوقت وبنصائح الأخوة في المنتدى رح تصير الأمور أفضل وأحسن

واتمنى لك حياة زوجية سعيدة