شوفي ياقلبي
انتي الان تنظري للصوره العامه
وتقريبا كفة الطرفين متساويه
الان ادخلي في التفاصيل ( فصفصيهم😁
خلي اهلك يسالو اكثر عن الشابين
عن صفاتهم ( العصبيه .. الكرم .. حسن التصرف،،
كثره السفر مثلا.. من اصحابهم فالمرء على دين خليله
دي نقطة مهمه جدا جدا الاصحاب
اسالي عن الاهالي
كيف اسرهم؟ علاقتتهم ببعض
اذا في كناين غيرك ؟ عايشين معاهم بنفس البيت ولا بييوت لحالهم .. طيب علاقتهم طيبه !
امهات الخاطبين !؟ طيبات ولا لا مشهود لهم بحسن التعامل والاخلاق ولا كيف
عاداتهم قريبه من عاداتكم ولا لا ( ابسط مثال يتغطو عن بعض ولا لا)
خلي اخوانك يقعدو معاهم وكمان ابوك
ويدردشو بحاجات كثيره
يعرف من خلالها لمحه عامه عن الخاطب وفكره وعقليته
ويقولو لك انطباعهم
الخاطب مثقف.. متزن..خفيف.. يعرف كيف يخاطب الرجال ولا لا .. متدين .. منفتح .. متطرف .. لاهي مايدري وين الله حاطه .. اشياء كثيره ممكن تستنبط من خلال مقابلة الخاطب اكثر من مره والحديث معاه والرجال لهم نظره ببعض فاههتمي بهذا الجانب
نجي بعدين للمرحله الثانيه الشوفه الشرعيه من حقك
اذا هم ماطلبو انتي من حقك تطلبي
كلمي ابوك وقولي له يقولهم انكم طالبين شوفه شرعيه
وان هذه رغبه ابوك مش رغبتك عشان لا يحس انه قصر معاك بشي .. وصممي عالشوفه
فالنظره والارتياح البصري مهم جدا في الزواج
بعدها ان شالله تكون وضحت لك الرؤيه
الله يكتب لك الخير