اللهم لك الحمد

امس اتصلت عليها وخرجنا انا وهيا وولدنا ورحنا بيت امي عشان اخواتي كانوا وبناتها كانوا متجمعين هناك وبنت اختي اتصلت عليها قالت لها فينك من زمان ما نشوفك قالت لها خلاص انا حجيكم
المهم رحت لها بيت ابوها واخذتها من هناك وطول الطريق عادي ولا كانه في شيء نتكلم ونمزح عادي
الين ما دخلنا بيت امي وسلمت عليهم وهروج وضحك ووناسه جلسنا في حدود الساعتين وخرجنا ومرينا على مطعم اخذنا ساندويتشات وعصيرات على الطاير عشان الوقت ما يسعفنا و قبل ما اعطيها مصروفها
قلت لها كيف نفسيتك قالت لي الحمدلله تمام التمام بعدين قلت لها بصراحه من ايش كنتي متضايقة
قالت لي بصراحه قبل رمضان انت سافرت مع اخواتك و بناتهم تركيا وتركتني
قلت لها انا ما تركتك بس انتي ما تحبي الشمال التركي وانتي اللي رفضتي
لانو كان مخطط رحلتنا لتركيا 8 ايام الشمال التركي ويومين اسطنبول
وزوجتي ما تحب الطبيعة والارياف كثير بقدر ما تحب المدن
عشان كدا ما كانت متشجعه على السفريه
ولكن السفرية الاخيرة حق سريلانكا هي اللي زعلتها كثير
وقالت لي انتي تحب نفسك انت انسان اناني
بصراحة انا مثل اغلب الرجال الواحد لما يسافر يدور الهدوء والاسترخاء والاجواء الباردة والطبيعه
مو يخرج من ضغوطات الحياة المدنية ويروح يصيف في مدينة صحيح الواحد اخر ايام سفريتة يجلس
في المدينة اخر يومين او ثلالث ايام للتسوق
المهم في النهاية قالت لي لازم تعوضني بسفرية
قلت لها ان شاء الله بس باقي في رصيدي 3 ايام
وان شاء الله اليوم رايح اخذها من بيت اهلها بعد ما تجهز اغراضها

الموضوع مو موضوع لا شقة ولا تطوير ولا غيره
قالت لي اهم شيء اني اعيش مبسوطة ومرتاحة
انا اعرف في بعض البنات الله يهديهم يحبو يخربو على صحباتهم لما يشوفوهم مبسوطين مع ازواجهم
يدقوهم بالكلام ويجرحوا فيهم
لان اخر مره لما سافرنا اوروبا كانت اغلب اماكنا في القرى الاوروبية الجميلة بعيده عن المدن
قالت لها زميلتها في العمل ما رحتي مدينة كدا ومدينة كدا
قالت لها لا زوجي ما وداني
قالت لها صاحبتها شكلو زوجك شايب يحب الطبيعة بس والارياف
شكلها اخذتها في خاطرها

ودمتم في حفظ الرحمن

__________________
حبيبتي .... عندما تبتسمي الي سوف تنير كل النجوم التي في السماء